ولك حبيبي تزعل ليش

[بحر الحنين]

ولك حبيبي تزعل ليش

من كد مااحبك مااسولف بيك

ماترهم ابن آدم يحجي عن روحه

ومن كد ماحلو وطعمك احسن بيه

اضوكن بالملح ماهيس بملوحه

كلبي اباب بيتك علكيته سنين

ومن خيوط حبك صار مرجوحه

تجرحني بكلامك ادري بس ارتاح

يامجروح مثلي يبوس بجروحه

كبل لاجنت اعرفك دمعي ما يتشاف

هسه من الفراك دموعي مفضوحه

صح انته جبل لاتنسه انه اسفوح

وتره عمر الجبل مافارك سفوحه

اموت من اليجيسك لو شقه ايشاقيك

وطولك بس اليه وغيري ميلوحه

اغار ومو بديه من اهلك من الناس

علي بس والي النظرات مسموحه

تمر هموم بيه واختنك مرات

بس بشبكه منك كلهه ممسوحه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[ۅرډة فـޢޢـرنـޢޢـسـޢޢـآ]

الله الله شنو هلابداع
عاش هالذوق