قصيدة غزلية تخسر اذا ماتشوفهة

[L•َِOَِ•Y•َِUَِ•S]

من كد ماجمالك شاغل الناس ضافتة الوزارة اعلة اليدرسون
ومن كد ماصعب محد نجح بيه الينجح بالشفايف يرسب بالعيون
ومن دون المناهج ترك مابيك ولو اترك فرع يعني اني مجنون
وصدكني اليوصفك جذب عليك لان انت الوحيد الما الك لون
تعال وشوف لمن امتحن بيك يوكف علي اكثر من مراقب
اغافلهم واحاول انقل عليك واجي بنص السنة وهم اني راسب
علم شفايفك موبس كتابين انجمع بيهن علم كل المكاتب
وبجفوفي من الزمك الزم خيال بس الكة الشهد بجفوفي ذايب
ومن تمشي الرحلتك كوة تنشاف غشاوة تصير بعيونة المراقب
يجي الاستاذ يسال على اليغيبون يكلة استاذ بس افلان غايب
واجاني اخر سنة وجابولي تعريف وكالولي بالسؤال تعرفلي فلان
اكلهم رمشة عود وجفنة درياك اذا يطبك اجفونةيطلع الحان
وصوتك ينزرع بين التصاوير وتضل الصورة تحجي بهيئة انسان
وجناتك جهنم بيهة تعذيب ولكن تختلف مابيهة دخان
وخصرك ينحسب بالسنتمترات اذا يطلع غلط تختل الاوزان
وطولك بيه خلك كل الفلاليح اذابحرنة بيك انشوفة بستان
وبعدهذا الوصف كلت اطلع اكمال اطلعت ماخذ صفر وحسابي غلطان
ونعم اني اعترف ماجاوبت بيك ومنيطلع نيوتن يبقة حيران

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[•كہاتہم الاـح°زانہ•]

عاشت الايادي حبي و مني الك احلى تقييم
ابو 4 نجوم هع تحياتي

[L•َِOَِ•Y•َِUَِ•S]

يسلموووو حبي
ونورت القصيده ورده

[مريومه العراقيه]

روعه روعه روعه عاشت ايدك عيوني
ذوووووووق تحياتي الك

[L•َِOَِ•Y•َِUَِ•S]

شكرا لكم اسعدني توااجدكم الدااائم معي


وعسي ربي لايحرمـــناا من تواصلكم الداائم


تحيااتي لكم