ـــآبـوـوـوذيــآت حُـبْ و غَــــزَلْ

[L•َِOَِ•Y•َِUَِ•S]

انه كلبي لغير حبك ابد مختار
وحبك صار على شخصي مثل مختار
انه راح اجدد بحبك ثورة عمرمختار
ومن هسه اكلك فايز انه بيهه..

فصوص العين فص يمي وفص لك
يامن يوسف انت اصلك وفصلك
اخيطك بيدي تدريني وافصلك
واجيبك فيت يالترهم عليه

موهذه البدايه وانت قبله
واليقبلك من وجنتك انت قبله
صرت صومي وصلاتي وانت قبله
وفرض سادس صرت انته عليه

كلبي اشما اطشره يرد صامت
وروحي من حزنهه اعليك صامت
شما اخلي الجهاز بوضع صامت
يصرخ من تدك انت عليه

صعت وانه بجزيره ومره صيدك
ومره انت صدتني ومره اصيدك
دولار واحد دصرف من رصيدك
دولارين ادزلك بس حن عليه

العشك يكتل ياصاحب وانته داري
هاك الكلب يمك وانته داري
انته اهلي وعمامي وانته داري
وانته امي وابوي وخال اليه

لاذ بكلبي شوكك وانتقل بيه
صعد للراس حبك وانتقل بيه
احب اشلون غيرك وانته قلبي
وانه بكلبي احبن مو بديه

اذا لجلك فديت الروح من دم
عليك العين تهمل دمع من دم
واذا عمري كضيته وياك من دم
لان طبعك حلو ونفسك ابيه

صورتك ملك نسخه من جمالك
يال محمل ذهب لولي من جمالك
اون واصفن واتعب من جمالك
لو فتت بالمنطقه اطكلك تحيه

بمشيتك مااظن يمشي ملازم
وحسنك منكتب عنه بملازم
حبيبي لاتحط احمر ملازم
شفتك والورد صارن سويه

روحي وي الصبر بجفاك جلده
ومنو مثلك حرير اللمس جلده
اتعاقب وانضرب ستين جلده
وبس وياك كعده اتصير اليه

تره الواشي عرف سرنه وشاعه
وابد لتظن حبي جذب واشاعه
انه لكلبي خذت صوره واشاعه
طلع مكتوب احبك للمنيه

الك دوم اتعنه واصل بيك
وعنادك وين يبنادم وصل بيك
حبيبي وشايل بجيبي وصل بيك
وباجر بيك انه مطلع هويه

عنيت وبس عليك الجدم يعني
ولاغيرك الي بالناس يعني
اكله اشكد تحبني يكلي يعني
شنو اليعني منو يفسرهه اليه.

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[ملاك الحب]

يسلموو ورده على الابوذياات الرووعه

موهذه البدايه وانت قبله
واليقبلك من وجنتك انت قبله
صرت صومي وصلاتي وانت قبله
وفرض سادس صرت انته عليه

هااي كولش حلوووة يسلموووو

[L•َِOَِ•Y•َِUَِ•S]

يسلموووووو عالمرور
والرد المميز
تحياتي

[مريومه العراقيه]

واوووووو رووووووعه عاشت ايدك يا ورده
تحياتي الك يا مبدعنا

[L•َِOَِ•Y•َِUَِ•S]

يسلمووووووو عالمرور
والرد الرائع
تحياتي

[sυρєянυмαη]

اذا لجلك فديت الروح من دم
عليك العين تهمل دمع من دم
واذا عمري كضيته وياك من دم
لان طبعك حلو ونفسك ابيه



يسلمووووو
تحياتي

[ورد البنفسج]

يسلمووو
عاشت الايادي
دوم الابداع
تحياتي