بيـــك اتعلقــــت ... ضيم وربي

[L•َِOَِ•Y•َِUَِ•S]

بيك اتعلقت .. يا عمري وانته الروح
محتاجك جنت وين انت كبل سنين
لكيتك ما اعوفك .. وانت عيني شلون
ترضاهه انحرم من نعمة العينين ؟؟
جنت انه كبل مزروع نص ادموع
جنت مثل الجرح من ينجرح جرحين
طبيب انت بحنانك عالجتني بيوم
اضل مطلوب الك والله اني هذا الدين
انت الزين وانت الماحويت عيوب
اخلاق وجمال وانت كلك زين
خل اتعب بعد لك انت تسوه الكون
تسوه الناس ذوله الي حجو وجهين
تندي عيونك انت من الحزن مهموم
ولك ليش الحزن قطراته عالرمشين
لان يمكن اضن بيك الورد موجود
وهو انت اضن مخلوق من ورود
وردنه العادي يطلع جذرة نص الطين
لكن انت جذرك بييه بس ممدود
كلت مسدود كلبي وللأبد مقفول
ومأمن جنت ادري الكلب مسدود
بس انت ادخلت مثل الملاك بطيف
فزيت ولكيتك عالكلب مشدود
حسبالي جرح خفت وكلت انساك
ومن انساك اتذكر وارد اردود
خليني ارد اكمل عمري هذا وياك
تره عمري بغيابك ينحسب معدود
لان نص الكلب بيدك وشمته وذاب
ونص الثاني تايه جن طفل مسكين
اذا عفته يموت من البرد والشوك
يضل مشتاك الك ودموعه تعمي العين
وانت اعرف بعد والكلب لا ميعيش
اذا بالنص قسمته وصار بي قسمين
يعني روحي بيدك وانت احكم شوف
شستاهل حكم ؟... بس انت احكم زين

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دلع المنصور]

سلمت ايدك على الكلمات الحلوة
تقبل مروري

[L•َِOَِ•Y•َِUَِ•S]

اشكرج ورده
يسلموووووو عالمرور

[مريومه العراقيه]

[ملاك الحب]

وااااااااو رووووعه بمعنى الكللمه

يسلموووو يامبدع كوولش حلووو عاشت ايدك

[L•َِOَِ•Y•َِUَِ•S]

يسلموووووووو عالمرووور
والردوددد الحلوه