انه ادري الكًلب من يذكر حبيبه بسكته يغفه

**L•َِOَِ•Y•َِUَِ•S** · 2009-01-05, 07:22 PM

انه ادري الكًلب من يذكر حبيبه بسكته يغفه
وسكته يتجرع سمومه وسكته يشفه وسكته
سكته بلا ونين ولا الم يحتركً نزفه
وسكته ياطعم الترافه ببوسة شفاييف كًمركم جرحه يشفه
وسكته يكطع كل شرايين الشماته
ويرجع اعله همومه يغفه وسكته يغفه
وسكته ينزف سكته يشفه وسكته
سكته اشما ثكًل حمل الزمان ايضل يشوف عيونك الحلوه محطه وكًلبك الملجوم منفى
كتمت الاه حتى صرت ملهمتي,, وكم اه ٍ سمعت بلا صراخ
هيه صفنه وماتظل بالكاع كًطره اشما صفن بيهه وكتهه ترد على الغيمات كطره
جنون شاعر لو فجر روحه القلم يحرك الثوره
ويشعل جروح الوكت ويبوح سره
ولو عشك ينزف جروحه اعله الورق ويصير للعشاكً روح والف روح تعلكت بجنون سحره
ويبقى عبره وحيرة الملهوف نجمه وطفت بين اشموع ليله وهندس الصفنات كًبره
اشيل الكاع كلهه الكاع لجدامك عطش تموز يانيسانهه وكل دهله تتعطر....
ياوردة شتال الصيف اشبكك كًيض واشتم من بعد عطرك واضمك بالكًلب خنجر
احني نجومك بسجة جرح منكًوش نكشات البدو براس الكًمر ويحاجبك يسمــــــــــــــــر
: انشرلك على عيون العواذل وانشمرلك سيل واتهدل عفه بباك ودكً انكًر
: وكول اكدر الايم كل رجيج اجناح وتصوكًر على الهندس رعيد احمر وكول اكدر
فجر ينطر كًمر يخدر على الوجنه كحل بحجاجك اتبسمر وكول اكدر
اشامر لك اسنيني الرافكاهه شبيح خيال عله صفنة ذيب شفتين بغنجهه ولاتكول اكدر
: ادفيلك برد مافرهداه الصيف ولا هب العذيبي ولا بلم حدر
....
اه يصبرك صبر ناعور اعله جف ايدك تهزز مثل وكتك
اه يكًلبك كًلب نخله اشماثكًل جمارهه يوجي اعله كترك
اه وشجم اه منك رافكًتني من الصبه ولاذت بسدك