ما احمل الفركة

[L•َِOَِ•Y•َِUَِ•S]

شراح اگلك وانته راح اتروح
وليش اتلح عليه وتنتظــــر ردّي
هذا السان حالي دموعي تحچي وياك
وراح اسكت واحچي ادموعي البخدّي
وسولف بالدمع وتوسلك عبرات
اود اشبع بشوفك واحتفــــــل ودّي
***
ضل وياي اريدك والبقن چم يوم
وهل چم يوم صارن حدك وحدّي
خليني ارد اشوفك گمت احسك طيف
وياعين التكض الطيف اليعـــــدّي
صرفنه اسنين حبنه وخلصن تبذير
وعلى يوم النشوفك باچر انجــدّي

اخذني وياك اريدك مااريد الغير
وكون ابسدك اگعد واگعد ابسدّي
لتخليني وحدي منين اعرف الناس
لااگدر اعاشر لا خلگ عنـــــدي
احب اشلون غيرك من اود اشلون
وانه وياك كلش خلّصـــت ودي
***
ابگد حبك النفسك چنت اناني وياك
ومنو ابگدك يحبك محد ابـــگدي
يل بيه ويه روحي الطلعه طلعت موت
شيردكم علي لو صيحــت ردّي
***
اخذني وياك مني اشعندي باقي وياي
وكلي وياك اخذني وكلشي لتودي
***
شيصيرن بعد خل اليصير ايصير
خل كلشي الأليه وينگلب ضــدي
خل اسنيني تغرگ خله عمري يفيض
خل اگبال عيني وينهدم ســـــدي
خايف صح چنت بس چنت اخاف عليك
والمن بعدك انته وخايف اشعندي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[Golden Girl]

روووووووووعة
عاشت الايادي

ننتظر منك كل جديد ومميز دائما..
تحياتي..

[L•َِOَِ•Y•َِUَِ•S]

يسلمووو ورده عالمروررر
تحياتي

[مريومه العراقيه]

رووووووعه وذوووووووووووووق
عاشت ايدك يا ورده دومك مبدع مو جديده عليك
تحياتي الك عيوني والله رووووعه

[L•َِOَِ•Y•َِUَِ•S]

اشكرج عيوني مريومه
من ذوقج هذه
تحياتي

[AbO RiShA]

كلمات في غاية الرووعه
شكرآ على هذا البوح الرائع
دام قلمك ودمت لنا
تقبل مروري
عاشق الاوهام