صــار الصبــر شمعــة والــوطن دمعــة!!

[Ѕ€ŊЇ ЅęνΊЎσřύm]

الســلامـ عليــكمـ ..
صار الصبر شمعة والوطن دمعة

أريد أحجي واسمعوني يا ناس
كافي تفرقة وعنصرية وهدر الدم وجرح الاحساس
وزرع النفاق وقلع الجسد من الراس
ياما كتلنا الجوع ياما جربنا الافلاس
وبقينا حبايب نضوي مثل الالماس
نسيتوا يا ناس
وين ذيج الانفاس
جان أيمانه ذهب هسه صار نحاس
أشبينا ؟؟جار الوطن غيرنا لو غير أجناس
أحنه هم بينا الطيب وبينا الوسواس
ياما صاحت جوامعنا وكنائسنا تدك الاجراس
وليهسه نايمين وماحد بينا حاس
خلي نصحه ونعيد محبتنه
ونصيح بعلا صوتنا...هذوله احنه
ونعيد ايمانه ..خلي الله يسمعنه
صدكوني احنه بمحبتنه
نكدر ابتكاتفنه نرجع وطنه
وين صبر السنين المضت ؟؟وين صبرنه؟؟
زرعوا حرب ضدنه
وبيها نسينه الشمل وبيها تهنه
صرنه نحب نفسنه قبل أصلنه
أنكتل اللي أنكتل وعاق اللي انعاق ونذبح وطنه
والغربة طشرتنه
كولولي هذا طاعون ؟؟لو هاي لعنه؟
كافي خلي نصحه
ونكول هذوله احنه

خلي نرفع العلم ونداوي الوطن والدمعه بعيونه

تحياتي لجميع

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[Zaid Al Hialy]

عاشت الايادي الحلوة عالموضوع الحلوو
ننتضر جديدك و ابداعك
تقبلي مروري و تحياتي

[سََـ,,ـفِــير الـَـحُبــ,,ـ]

مشكور بارق وعاشت ايدك ومجهودك الحلو

تقبل مروري

تحياتي&سفير الحب

[StaY WitH Me]

ثاااااااانكس
تقبل مروري

[طيبتي اكبر همومي]

يسلمووووووووو ورده على الموضوع الجميل
تحيتي