هل الحب الثاني ..يمحي الحب الاول ؟؟؟؟؟

[نونة]

الشي من ينكسر صعب تصلحه
و خصوصاً القلب
يعني هسة لو اكوا كوب انكسر
و صلحناه مابيرجع مثل قبل

لان انكسر ..

يعني ممكن لو حبينا نمحي الحب الأول بس مستحيل يكون كلياً ..

نونة

[Noor Baghdad]

51:مستحيل الحب الاول ينمحي لان جان لاول انسان امتلك كلب الشخص و رح يبقى يتذكره دااائما
اذا جان الحب الثاني صادق بكل معنى الكلمة ممكن يعوضه عن الجرح الي صار بي بعد الحب الاول بس ممكن جدا يكون مجرد وهم من الشخص الي جان حاب من قبل و خاصة لو كان بعد فترة قصيرة لنهاية الحب الاول ... ان مجرد احد يملي النقص الي بكلبه و بس

[همسة الروح]

اعتقد والله اعلم انو المسألة مو انو الحب الاول او الثاني او اثالث المسألة انو انت وكل انسان يحب يحب ابوه يحب زرع معين يحب سيارة معينه وبالتاكيد يحب شخص معين واكيد ماكو شئ كامل بس الله فاكيد انت اذا قارنت تجربتك الاولى بتجربتك الثانيه فلاحظت انو الاولى مثلا كانت افضل لنواحي انت تعتبرها مهمه بالنسبة الك فبالتالي انت راح تأسى لتلك التجربه الي فوتتها عليك وراح تندم على التجربه الثانيه وتكول ياريت الي صار ماصار والعكس اكيد صحيح انو لو كانت الثانيه انجح بمنظورك من الاولى فاكيد راح تفرح وتكول الف الحمد والشكر على انو خلصت من الاولى وحصلت علاقة انجحيعني تقريبا هيج راح تسوي(تصفق) خخخخ
وحقيقة الحب الاول عادة ما يكون ممحسوب بشكل جيد اي هل هذا الطرف الاخر ملائم لك من كافة النواحي وعادة كذلك الصغار بالعمر غير دقيقين وغير مهتمين بكثير من الامور الي عندما يكبرون راح يشوفون بانهم كانو غلطانين وبان الحسبة كانت غلط وبانه شئ مبني على الهواء لان كلما كبر الشخص كلما اتزنت افعاله وكانت دوافعه محمودة على الاغلب ولا تحزنوا فالحياة ماضية امامكم لتجربوا وتفهموا انفسكم ورغباتها وتفهموا من حولكم وبالتالي تكونون قادرين على اختيار الافضل لكم..
فالمسألة بسيطة جدا على ما اعتقد والحياة ممظمون بيها شئ بس طاعة الاهل هيه الي توصلكم لبر الامان هذا الشئ الي ان شاء الله مضمون لان اذا غضبوا عليكم غضب الله عليكم واذا رضوا عنكم الله يرضا عليكم والله يوفق الجميع ان شاء الله قولوا (امين).
دوختكم........42:
همسة الروح

[Noor Baghdad]

و الله كلامج ذهب همسة الروح
عاشت ايدج

[همس اللياليـ]

اني اوافق الشباب والبنات في ردودهم انه الحب الثاني وخصوصا اذا كان صادق راح يمسح الحب الاول وطبعا راح تبقى ذكريات الحب القديم لانه الانسان عباره عن كتله من المشاعر والاحاسيس منو منعدنه ماعنده ذكريات

وبالاخير الحب الصادق جوده نادره هل يومين
مشكــــــــــــــــور على الموضوع الرائـــعـ

[كذابه 1988]

لا الحب الثاني ولا الاول الحب مجرد تسليه تاخذ وقت والنتيجه الاخيره صدمه لاحد الطرفين ابتعدوا عن هذا المرض وعيشوا الحياة بشكل بسيط وعملي بدون اوهام الحب وافلام الحب

[همسة الروح]

شكر ا حبيبتي نور بغداد 53:
تسلمين

همسة الروح

[دلع المنصور]

شكرا على الموضوع
النسان صح يكدر يحب مرة لخ بس اكيد ميكدر ينسة احلى ايام الي عاشها قبل بهذا الحب
وحتى لو ينسى رح يتذكر قسم منها

[{{{mt}}}]

يقلك الحب الى الحبيب الاولي

مستحيل واحد ينسى اول قصه حب مره بيه وعاشها وينسى تلهفه اليلاقي حبيبه او يسمع صوتو الحب هو الاول هو الاصل وانما ثاني يكون تعويض الحب الاول او محاوله نسيان احب الاول

مهم مستحيل احد ينسى حبها الاول فهو كل نقش على الحجر

وشكرا على موضوع

[{{{mt}}}]

حاب ارد عى الاخت كذابه
واقله الانسان شنو بدون مشاعر حتى الحيوانات بتحب
مهم الحب شي سامي وخالد وصعب واحد يتحكم بقلبه من يدك