انخطبتي؟؟؟لا تفوتكم

**نونه البزونه** · 2009-01-25, 06:14 PM

انخطبتي؟
اشلون كليلي انخطبتي؟
اشلون هانت هالسنين وبالعجل عني رحتي؟
اشلون ما فكرتي بيه؟
ابقى اعيش بلايه حبج ما حسبتي؟
ما حسبتي اشراح اسوي؟
اشلون انام الليل بس انا ودمعتي؟
انخطبتي؟
الياهو كليلي انخطبتي؟
احجي مو نزلت دمعتي؟
هم وياه كعدتي؟
هم طلعتي؟
هم شبك ايده على ايدج؟
هم لزم شعرج وضحكتي؟
انخطبتي؟
اشلون... انا الليل كله اظل بحسرتي؟
انا ياما وياج كاعد.....
يا ما شاعر.....
يا ما كاتب.....
يا ما وسط الكلب نمتي....
انتي انتي
انتي بس لحظه بحياتي
ويا حياتي؟
بسرعه مريتي وعبرتي؟
وانا بس وياج ما رهمت قسمتي
انخطبتي؟
روحي الله وياج
يا احلى الجمل ما بين قصتي
روحي الله وياج
يا اخر حرف كلته على شفتي