ارد احجي بصراحه

**مريومه العراقيه** · 2009-01-26, 12:10 PM

انه بكلبي سوالف ماتلمهه اسطور

وارد احجي بصراحة وياك عل المكشوف

مو طبعي النفاق ولا حجي الوجهين

ولو احجي الصدك مااعرف انه الخوف

تعارفنه وحجينه بطيبة النية

وجرتنه السوالف والحجي معروف

اريدك تفهم المضمون مو كلمن

يدك الباب نوكفله ونمدله اجفوف

ولاكلمن تبسم لو ضحك

النه يصير ابينه مالوف

تره الينظر فصال الثوب

من تفصاله يعرف اصلي لو مريوف

انه الحبيت روحك كبل لاشوفك

وصغتلك بالكلب سجة اعله مد الشوف

وصرت انت الفرح للروح

مثل شوك اليتيم وللفرح ملهوف

تعاندني السطور لو ردت اكتب

ويطوف اسمك غفل مابين الحروف

اصد للروح الكاهه تسولف بيك

ولن رسمك بروحي وبالخيال يطوف

بعيد وعل البعد مجبور

واشوف العين حيرانه بدمع مذروف

لملمت العمر وتعده بيه الريل

وماظنيت جلمة فرحة عيني اتشوف

من شفتك نصبت من الحزن افراح

وبليلي الصبح وية الكمر صار اضيوف

لجن من توعد وتخلف

اظن ليلك فرح وانا بليلي الكمر مخسوف

احدث المواضيع:

**StaY WitH Me** · 2009-01-26, 12:14 PM

**AbO RiShA** · 2009-01-26, 12:35 PM

الف شكر عيوني كلمات واحساس
رائع دام قلمك ودمتي لنا

**مريومه العراقيه** · 2009-01-26, 09:31 PM

انتم الاجمل والاروع من كل الكلام وكل السطور
دمتم لي بهذا التواصل الجميل
محبتي مريومه

**العميد نهاد العراقي** · 2009-01-28, 06:54 AM

الله الله
كلمات رائعه من انسانه اروع
دائماً مبدعه في الاشعار المميزة
اتمنى ان لاتحرمينا من جديدكِ
نحن بنتظارك على احر من الجر
تحياتي
العميد نهاد العراقي

الموضوع: ارد احجي بصراحه

أدوات الموضوع

ارد احجي بصراحه

احدث المواضيع:

ضوابط المشاركة