خواطر تحشيشية

[TBsy 9DE8y 3Bsy]

هاااااايـسـ شخبارتم انثالله ذينين (هاية شنو سنوني اتكسرن هع هع)

يلة هسة المهم اريدكم تقرون هذا التحشيش وانشالله يعجبكم


- قمة السعادة :: ان تكون واحد اسود تفس واهلك ناسيك بالفرن سبع تشهر وحتى ابتدائية ممخلص وتحبك وحده شعرها اصفر وعيونها خضر تشبه كاميرون دياز لو كرستينا اكليرا ، ويكون ابوها عضو بالبرلمان وامها نائبة وزير الزراعة وتكون البنية طالبة بكلية الصيدلة وبعد سنة تتخرج

- قمة التعاسة :: ان تكون واحد عاوي و محدِق لابعد الحدود البرية والبحرية وتشتغل سكن بكيا وكاتلك الفكر وتحبلك وحده تشتغل طبيبة بمستشفى اليرموك وراتبها 3 ملايين وبيتها بالمنصور وابوها مليونير وهي الوحيدة لاهلها ( يعني باختصار لو تطلع نخلة براسك متباوع بوجهك هيج وحده )

- قمة الحيرة :: ان تكون طالع ايفاد لايطاليا وتروح دتتغدى بمطعم صيني وتطلب اكلة هندية ويكون الستاف مال المطعم كله تايلندي وانته ما تعرف تحجي غير بس عربي والكاعدين بالمطعم كلهم ما يعرفون يحجون غير بس الصيني

- قمة الصدمة :: ان تكون طالب بصف السادس اعدادي وكاعد تمتحن امتحانات نهاية السنة يعني بكلوريا ومستقبل وكلشي ، وعندك امتحان كيمياء فتكضي الليل كله تقره وتدرخ بالكيمياء وتروح ثاني يوم للامتحان وانته مسيطر على اساس ضابط المادة كلها ، ولمه تجي الاسئلة تباوع تلكه مادة الامتحان هي فيزياء مو كيمياء وانو انته من خبصتك ناقل الجدول مال الامتحان بالعكس ومخلي الكيمياء بدل الفيزياء

- قمة النذالة او تكدرون تكولون قمة الخباثة :: ان تكون مسوي عزيمة وعازم بيها نفرين وهذولي الاثنين واحد ما يطيق الثاني وكل واحد يريد يشرب دم اللاخ ، فتعزمهم على غدا بمطعم واول ما يصبون الغدا تعوفهم وتروح على ابو المطعم وتاخذ الك نفر سفري وتفلت وتخليها عالكه بيناتهم وصايرة بالدفرات

قمة الحظ :: ان تكون مضروب طلقتين بحرب ايران ومتصوب بـ3 شظايا بحرب بوش وطاكة عليك عبوتين ناسفة بعد الاحتلال وخاطفيك مرتين ، ومسلبيك 4 مرات ومكلوبه بيك السيارة 6 مرات وبعدك لي هسه عايش

قمة سوء الحظ :: ان تكون راجع من الحلة لبغداد وماشي بطريق ما مبلط وطافرة روحك ويرادلك اقل شي فد ساعة ونص حتى توصل لاهلك وفجاة تسمع بالراديو خبر عاجل انو راح يصير منع تجوال بعد نص ساعة فتحاول تصير سوبرمان وتوصل باسرع وقت ولكن فجاة وانت ماشي بطريق منكطع وما بي احد شيصير ، يخلص البانزين مال سيارتك فتلاص عليك منا منع تجوال ومنا بانزين ما عندك ومنا انت بطريق مكطوع كله سلابة ، فتحاول تتصل بواحد من اهلك تشيل الموبايل دتخابر ، تلكه الشحن مال الموبايل خلصان والتلفون طافي ( البقية بحياتك مقدماً )

- قمة الاحراج :: ان تكون طالع انت وحبيبتك تتمشون وفجاة وعلى غير عوايدك تقرر تعزمها عالغدا فتروحون لمطعم خمس نجوم وتطلب نفرين كباب ودجاجة مشوية علساس انت تاكل هوايه وتكولك المره :: حبيبي مو هذا الاكل هوايه ، فتكوللها :: يمعوده خل ياكلون وبعد ما تاكلون نص النفر وربع الدجاجة تشبعون فتروح انت تحاسب ابو المطعم على اساس انت الر ّجال يعني فتروح دتدفع الحساب وتمد ايدك على جيبك تلكة ما عندك ولا فلس وان كل فلوسك واوراقك هي بالبنطرون الثاني الي جنت لابسة البارحه والي بقى بالبيت طبعاً حتى تغسله الحجية

واخيراً وليس اخراً قمة الفشل :: ان يكون فريقك بطل اسيا وتخسر ويا البحرين بتلاثة وتخسر ويا عمان باربعة والمصيبة ان المدرب هو نفسه واللاعبين هم نفسهم الي فازو بكاس اسيا

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[•كہاتہم الاـح°زانہ•]

ههههههههههههههههههه


يسلموووووووووو حبي


الخواطر هع هع هع




تحياتي

[AbO RiShA]

هههههههههههههههههههههههههه
عاشت الايادي

[TBsy 9DE8y 3Bsy]

يسلمووو عيوني على المرور
منورين الموضوع

[StaY WitH Me]

هيهيهيهيهيهيهيهيههيهيهههيهيهيهيهيهيهيهيهيهيهيهي

هوهوهوهوهوهوهوهوهوهوهوهوهوهوهوهوهو

ههههههههههههههههههههههههههههههههههههههههه









شكررررررررررا

[TBsy 9DE8y 3Bsy]

عفوووااا
ويسلمووو على المرور عيني