ممكن استفسار لاهل الخبرة

[%طارد الارواح%]

السلام عليكم جميعا ياحلا واطيب اعضاء 51:

اليوم اريد اضع هذا الموضوع لتكون الفائدي لي ولغيري

شباب اني اريد استفسر حول برامج الحماية وبالخص الانترنيت سكيورتي
طبعا كلنا سامعين بالكاسبر والنود والافيرا وغيرهن وطبعا لما تريد تحمل فد برنامج تلكا كدامه فد هالة من الفيكات وهذا البرنامج هيج يسوي وذاك البرنامج هيج يمسح ويضل الواحد دايخ من الحجي مايعرف اي واحد يحمل 48:
وكل واحد يسويله اختبار بكيفه ويكول فلان برنامج احسن من الثاني :15
فاريد اعرف من اهل الخبرة الي استعملو برامج الحماية الثلاثة :


Kaspersky Internet Security 8.0.0.506

و

Avira.Premium.Security.Suite.8.2.0.247

و


ESET Smart Security 3.0.669


يعني منو الاقوى بيناتهن من حيث اكتشاف الفيروسات والجدار الناري وصد هجمات الهكر والي مايثكل الحاسبة :35


الله يخليكم فهموني لان واللة طكت روحي

اني بالنسبة الي جربت البرامج ثلاثتهن وبكل مرة يضربني فايروس ويسمط حاسبتي سمط:35

والي مجرب برنامج احسن من هذولة الثلاثة خلي يكولي رحمة لوالديه

تحياتي واسف على الازعاج :23

احدث المواضيع:

• شباب محتاجتكم
• كيفية إغلاق الجهاز بوقت محدد وبدون اي برنامج وليس بها أي تعقيد ومفيدة جداً
• خل جهازك طياره بحركتين 100%
• حل مختصر ومفيد لمشاكل الشاشه الزرقاء وقضاء عليها نهائياً
• أكثر مشاكل الصوت شيوعا.......حلها هنا
• كل شي عن المعالجات ستجده هنا ( موضوع رائع لايفوتكم )
• معلومات عامه و مفيدة عن الشاشات
• طريقه فك هارد لابتوب ...بالصور
• حصريا........او لتناقشني.....برنامج ايفيد الكل
• ممكن استفسار لاهل الخبرة

[A22-ARB]

شوف وردة كل هذني الانتي فايروسات زينات و قويات وكل واحد بي مساوء و بي محاسن
بالنسبة الي اني اشوف الكاسبر سكاي احسن شي و صديقي ايكول النود و كل واحد حسب تجربته وراح انطيك شغلة اتفيدك هذا الموقع يفحص الملف مالتك باكثر من 30 انتي فايروس وينطيك النتائج و انت تكدر تقارن على النتائج الموجودة عندك منو احسن دوس اهنااااااا حتى اشوف الموقع............ واي استفسار ثاني اني جاهز

تحياتي

[%طارد الارواح%]

حبيبي الغالي اولا اشكرك على تنويرك وتشريفك للموضوع 53::10

صح اني وياك الكاسبر هم قوي بس تعرف مشكلة المفاتيح مالته مجرد ماتحدث راسا ينظرب عندك المفتاح هاي زين اذا ما انظرب البرنامج نفسه وطبعا اني انشلع كلبي من وره هيج سالفه 70::حاسبتي انترست مفاتيح للكاسبر وكلهن هسه عاطلات ولحد الان مالكيت حل لهذي المشكلة
بالاضافة الى انه ثكيل :35
وبالنسبة للنود اني جربته اكو فايروسات ما يكدر يمسحهن وصارت عندي هيج سالفة:6

اما الافيرا صح هو قوي بس يدمر التحميل يعني حيل يضعف التحميل وتدري احنه بالعراق ما شاء الله علينه النت اضعف من السلحفاة هههههه
وبالنسبة للرابط مشكور حبي بس ما اشتغل من ادوس عليه تطلع الصفحة الرئيسية مال المنتدى (منتدى عراق الكل)
على العموم مشكور حبيبي وتحياتي الك يالعزيز 51:

[A22-ARB]

حوبي الموقع هذا
www.virustotal.com
هسه اكيد طلع يمك
وبالنسبة للكاسبر اني عندي نسخة اصلية من الشركة لانه هم كل 15 دقيقة يسون جيك على المفاتيح يعني مستحيل واحد هسه عندى نسخة تشتغل اذا مو اصلية او تكدر اشلغه بس اطفي الانترنيت :D

[%طارد الارواح%]

حبيبي قلبي اشتغل الرابط عندي

مشكوووووووور وجاري التجربة

وبالنسبة للكاسبر اول مرة اعرف ان كل 15 دقيقة يجيكون المفاتيح اكول ليش المفاتيح عندي تنظرب
لان اني خمطته من احد المواقع :35
وموبس الكاسبر حتى الافيرا راسا يظربون المفاتيح بس تحدث

بس عندي استفسار زين يكولون اكو اداتين للكاسبر

الولى اسمها Kaspersky Key Finder
يكولون عليها توجد مفاتيح الكاسبر

والثانية اداة لا لغاء قفل مفاتيح الكاسبر واسمها No_black
واذا تريد حملها على هذا الرابط وشوفها
من هنا

بس المشكلة من احملهن يمسحهن الكاسبر يعتبرهن فايروسات :35
يعني ماكو فد طريقة حتى الواحد يحصل على مفاتيح للكاسبر

على العموم مشكور حبيبي الغالي واعذرني تعبتك وياي والله اني خجلان منك
لك كل تحياتي وتقدري والله يوفقك :23

[A22-ARB]

حوبي بالنسبة للاداة الاولى هاي صحيح اجيبلك مفاتيح بس شنو الفائدة هم تلكف والاداة الثانية تلغي الابديت يعني متكدر اسوي ابديت ولمن مسوي ابديت مراح يلكف الكي مالتك

[%طارد الارواح%]

اوكي حياتي راح اشتغل على الاداة الاولى واذا شفت الشغلة ماتفيديني استعمل النود مثل صديقك هع هع والباقي وعلى الله

لك كل تحياتي وتقديري وشكرا الك لمتابعتك للموضوع والاجابة على استفساري 42:
الله يوفقك واتمنالك كل الخير :2351:

[A22-ARB]

ادلل وردة واي استفسار اني حاضر واكو موضوع مثبت تكدر اتخلي بي اي مشكلة او اي استفسار تحياتي