رثاء تحشيشي للساهر

[Ѕ€ŊЇ ЅęνΊЎσřύm]

هلو شباب هاي صبايا شلونكم
ان شاء الله زينين
في يوم من الايام لاحظت حالة مرضية نفسية مزمنة على احد الاصدقاء وهو ( الساهر ) ظهرت عليه اعراض مرضية خطيرة وهذا النوع من الامراض منتشر بين الشباب هو مرض خطير يصير الهارد ( القلب ) مالت الانسان وسببه فايروس اسم هذا المرض ( داء الحب المزمن ) يعاني المصاب بهذا المرض من زيادة حادة بالعواطف وتظهر عليه اعراض حبجية خطيره باعتباري اختصاص علوم نفسية لازم اعالج هذه الحالة حاولت اعالجه بس للاسف ماكو فايدة جربت انواع من العلاجات فرمتت الدماغ تقسيم القلب تنصيب انتي فايروس للحب وما فاد اي علاج ويا للمسكين وساءة حالته اكثر واكثر
ظهرت عليه اعراض خطيرة
1- الدماغ يرست يفتر عكس عقارب الساعه
2- فقد الرزانه وگام يشاوط ع الشارع
3- يمسي رون سايد اي عكس السير
4- يعلگــ دبل اشارة ويرجع للبگــ يا حافظ الله يعافينا
5- تدخين مستمر دون انقطاع
6- يعيش حاله من غيبوبه في الحبيب طبعا والدماغ ياخذ اجازة مفتوحه
وهذا كله سببه فايوس خطير اسمه ( بوري لاف ) يعني بوري الحب وهو من النوع الخطير من الفايروسات مصنوعه من الفولاذ الصلب نستجير بالله يجي ترس بدماغ الانسان ( الضحية ) يگوم يخيط ويخربط وبعد ما يندل دربه يا ربي دخيلك وبالتالي جربت علاج ارتجلت شعر رثاء تحشيشي وفيها نصائح وارشادات نفسيه للمصابين ويدلل الحلو ( الساهر ) هاك حبحب استلم القصيدة


يا ساهر وسهران ...... يا عاشگ وولهان
دخن واتلف الروح ...... حشش وضل سكران
طول النهار مكبسل ودايخ .. وبلليل مساهر وسرحان
حالتك مزربل صارت .. لاصبحت على انس ولا مست على جان
بالك مثل ماي العكر ..... خابط ومو صفيان
تراني مجرب العشگ ... يزرف الگلب ويتلف الشريان
جنت ادري محبوبك منو .. وأنت ولا دريان
وإذا ما يتصل بيك الحلو فد يوم .. تورث وتشتعل بالنيران
وأدري كل رشفة من الكبد ... تشفي الغليل وتروي العطشان
عطب وأحرگ الجو ........ ومن أذانك طلع الدخان
محبوبي وصديق الطفولة .... وعشرتك عشرة اخوان
ادريك محبوبي ووفي ...... طيب وخوش انسان
والطيب من شيمتك ...... وفي انت أبد مو خوان
بس عندي نصيحة الك ... إذا تعوف العشگ تعيش عيشة السلطان
ترى الي يخسر من يحب ... يضل طول العمر ندمان
أخاف اليوم اليجي ... ما يخطر على الحسبان
ويضربك بوري ترس ... ثگيل وما يوزنه ميزان
ترى المكتوب مو بيدي ولا بيدك .. بيد الله خالق الأكوان

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[×أبــوِ سَـوسـوَ×]

خخخخخخخخخخخخخخخخخخخخخخخخخخخخ

يسلمو

والله يبعد الشباب على البواري

تحياتي وثانكس على الموضوع

[سََـ,,ـفِــير الـَـحُبــ,,ـ]

هههههههههههههههه

عاشت ايدك بارق وهو اكو واحد مماكل بوري نياااااااااااا

تقبل مروري

تحياتي&سفير الحب