ما اكدر اعـــــــوفك جذب ما انساك

**مـوتـي ولا مـوـت أحسـاسـي** · 2009-01-30, 04:42 PM

ما اكدر اعــــوفك جذب ما انساك
يا اول قـــــــــــصيده من الكلب تنبع
يا دكـــــــــه كلب ما اعيش انه بلياك
الكلب مـــن غير دكتك كلشي ما ينفع
مو طـــــــبعي انه اسمع للحجه وياي
بس لـــــــو انته ساكت انه الك اسمع
ومــــــــنك ما اروحن حته لو اروح
اروحــن بالعكس حته اني الك ارجع
يالـــــــوجهك شمس من تطلع اشلون
اظـــن من تطلع انته الشمس ما تطلع
شمس شسوي تطلع ونته شمس الكاع
وضه هاي الشمس من شمسك اتشبع
ما اقنــــــــــع ابد وما اتفق وي ناس
بـــس وياك كلش اتفــــق وقــــــــنع
ولا تسئل ســـــــــــؤالك كلبي حباك
اذا من يمه تــــــــــشبع هوه مايشبع
ومرجع لو صرت بس اني اقلد بيك
ولو انتــــــــه المقلد اني الك مرجع
ولو تــــــــــطينه فتوه انجاهد وياك
اهد انه ويــــه اني وكلبي الك نفزع
اغث بالنـــاس عمدا خلهم ايزعلون
ولو بـــــــحجايه اغثك افصل مربع
مو بيــــــدي القضيه يالعلي سلطان
لو تخطــــــف وشوفك كلبي يصدع
ولك يالبيــــك شامه امسودنه الروح
بالوحده الضهر بــــس شامتك تلمع
انه ادري العيون اجــــــــمع ادموع
وجنه ونار عينك وي دمـــــع تجمع
ومن كد البواجي اعليــــــــك مليت
عيني ادموع ملت خدي ضــل يدمع
وصاحي واصحه منك وفقـــد وياك
وروحي وياك تسكر والكلـــب يبلع
اكرهنه الدلع هذا الطبع ــــــمكروه
وموت اعليك كلش ونتـــــــه تتدلع
من تمشي اعله كيفك فلشيت الروح
وشك زيجه الرصيف وكام يتشـــــلع