رد: هل تتوقع تشكيل الحكومة قبل رمضان؟؟شاركنه برأيك
بالاول شكرا على الموضوع
ولو نجي ناخذه بجديه شويه اولا الدستور يكول اللي يفوز بالأنتخابات يكون اله الحق بتشكيل الحكومه
لكن انقلب الدستور بقدرة قادر وصار ممنوع والله لان علاوي هو اللي فاز
ومن انتهت عمليات العد والفرز وعلنوا النتائج و قدموا الاعتراضات وتم الطعن بمصداقيتها
عادوا العد والفرز وعلنوا النتائج مرة ثانية وأكدو النتائج الأوليه
ومبقى غير خطوه منطقيه لازم يسوها وهي عملية تشكيل الحكومه
غير علاوي يقوم بتشكيل الحكومه وبدوا كل واحد من الاطراف اللي فازت يدعي بان هو اله الحق برئاسة الحكومه
وهذا يحجي وذاك يكذب وهذا ينفي وذاك يأكد بقى الحال مثل ما هو
والنتيجه انه حالة التنازل والاختلال السياسي انعكست بكل ظلالها على الواقع الامني
وبالنتيجه شنو صار زاد نزيف الدم بالشارع العراقي خلال هذه الفتره
فبرأيي الاحقيه لعلاوي بترأس الحكومه صح ليهسه الاستاذ المالكي مديقبل يتنازل ميقبل يعوف الكرسي والراتب الل ياخذه
و المالكي ميهمه لا الحكومة ولا الشعب اللي يهمه مصلحته الخاصة وراتبه الخيالي واني ما اعتقد يتنازل عن مصلحته الشخصية
وما افضل ابدا علاوي يتنازل بيها للمالكي لان هو بالفتره اللي حكمنا بيها حل هوايه من الامور وياريت هو يكون رئيس الوزراء القادم
لان المالكي استلمها 4 سنين فوك خرابها زادها خراب فليش نسلمها بيد مخرب
فهسه بعد اكثر من شهرين صار بالتأكيد الاتفاق على تشكيل الحكومه الجديده واللي متابع القضيه انه الدكتور اياد علاوي هو اله الاحقيه بتشكيل الحكومه
والانتقادات اللي وجهها الحكيم واللي اله وزنه بالساحه العراقيه لمح باشارات هوايه عدم امكانيه تشكيل الحكومه تغيب عنها القائمه العراقيه
فبتحليل بسيط مني وسريع تبين انه قربت تشكيل الحكومه
لان الحل المثل والخيار الوحيد الباقي هو تحالف العراقية مع الاكراد+الائتلاف واللي راح يسهم برضا جميع الاطراف
ومن ضمنها الطرف الاقليمي بغالبيته على الاقل بس بالايام المقبلة راح نشوف مفاوضات عسيرة
مو من اجل منو راح يتولى الحكومة لان الامر شبه محسوم للسيد علاوي بس من اجل الخروج باقل التنازلات واكثر عدد من المناصب
لكن للاسف نشوف شنو راح يصير بعد بالعراق والعراقيين اللي يوميه دماءهم تنزف
النا الله والك الله يا عراق
أسفه يمكن طولت بالرد ويمكن خرجت عن مضمون الموضوع
بس لازم يكون الرد بهالطريقه
وشكرا جداا للموضوع
ودي و عبير وردي
