مواضيع للنقاش ادخلوا

[مريومه العراقيه]

مشكور جدا ع الموضوع واني راح اجاوب على الاثنين

جوابي على السؤال الأول هو ...
معنى وجودي بالكون هو كرم غير محدود من الله خلقنا حتى نتمتع بالحياة قبل كل شيء
وقبل الخليقه كان الله وحده منذ الأزل هو الكائن الوحيد الموجود وكان مكتفياً بذاته
وكان ممكن بان لا اني ولا انت ولا أي مخلوق يتوجد
بس الله من كرمه وصلاحه وحبه أنعم علينا بنعمة الوجود خلقنا حتى نتمتع بالوجود
هذا سبب وجودي بالكون و وجودك وجود اللكل وما اريد ادخل بتفاصيل كثيره
لان هيج ندخل بمحور الدين وما احب هالشيء
اما الهدف من وجودي هو ارضاء الله وان اسلك السلوك الصحيح
ان احب الناس وان اضحي ويكون الي دور بالمجتمع واكون كد المسؤوليه
بأن أزرع الورد بكل مكان انا موجوده بيه حتى وان سقيته بدموعي اذا تعذر وجود الماء
اللي يعتني بوجودي هو الذي خلقني يعتني بنا دوما ومدى الحياة وحتى بعد الحياة

أما جوابي للسؤال الثاني هو ...
جرح الأهل ما اعتقد يعتبر جرح لان اكيد الاهل اذا يجرحون حيكون من خوفهم وحرصهم علينا
جرحهم حيكون كنصيحه النا وتنبيه فهنا ممكن يتنسي بوقت قليل جداا ومع التفهم طبعا
أما جرح الغريب فهذا جرح عابر لا يقدم ولا يأخر ويعتمد على مدى اخلاق هلانسان وعدم احترامه لنفسه وعدم أحترامه لمشاعر الاخرين
أما جرح النفس صعب جدا لانه جرح عميق صعب شفائه بسهوله وما اله اي دواء
وعلاجه الوحيد هو الزمن والنسيان لكن للاسف النسيان صعب
لان جرح المشاعر من الصعب شفائها وخصوصا أذا كانت من اعز أنسان
أما جرح الصديق فهذا يعتبر موت بالنسبه اليه
لان هالشخص حبيته وصار اله وجود بحياتك وبصمه بكيانك فجرحه لا الأيام ولا الزمن يكدر يداويه
يعني مثلا كأس زجاج اذا انكسر وحاولت اتصلحه مستحيل يرجع مثل أول يظل بيه خدوش واثار من الكسر
والجرح ممكن يطيب بس البلاء بالأثر اللي يتركه بمكانه كل مشفته تتذكر الجرح القديم

ومشكور جدا على الموضوع المميز والهادف
دمت بود

[عنفوان الحب]

منورةمريومة الموضوع
تحياتي