ضيــــفة كرســــي الاعتــــــــراف المشـــــــرفة العامــــة شمـــس الحـــب

[ورد البنفسج]

- شنو انـآ باالنسبه[ لك ]
عضو الج مكانه وهيبة بالمنتدى واني كولش احبج
وش رايج بيه اني....؟
تجنين وردة ماكو منج

هههههههههه
يسلملي البك حياتي
انتي الي اجننين

[شمس الحب]

منورين حبايب
وانتظر اسئلتكم الباقيه
تحياتي لكم

[اسير الروح]

هلو وردايه
شلونج

عندي كم

سؤال


(1) اوصفيلي شمس الحب في جمله ؟؟

(2) شو من البلدان سافرت؟؟

(3) شو تحب شمس الحب ؟؟

(4) ماهي الحياه بالنسبه لك ؟؟

(5) هل الحياه بالنسبة لك حلوة ؟؟

(6) شو تكره شمس الحب؟؟

(7) بلاد تتمنى السفر اليها ولم تقومي بعد بزيارتها ؟؟

(8) سؤال غريب بالنسبة لي .. شو يعنيلك الدم ؟؟

(9) شو يعنيلك البر؟؟

(10) العزبة ؟؟

(11) البحر؟؟

(12) موقف مضحك مريت به ؟؟

شو
شو
ههههه
(13) منو الاعضاء الي تحبيهم اكثر؟؟؟؟
(14) تحبين الغروب لو الشروق؟؟
(15)ماذا تمثل الصداقة بالنسبة لك؟

(16)جملة سمعتها مرة واحتفظت بها في قلبك؟

(17)حكمتك في الحياة؟

(18)هل الحب عذاب؟ وشو رايك فيه؟
(19)ماذا تفعلين عندما توصد الايام ابوابها في وجهك ؟
(اخيرا) شنو رايج ب اسير الروح
تحياتي الج

[شمس الحب]

هلو وردايه

شلونج
هلا والله الحمدلله بخير اني

عندي كم

اي ليش لا

سؤال

(1) اوصفيلي شمس الحب في جمله ؟؟
احن واطيب كلب بالكون وربي بس ماعندي حظ ويه الناس

(2) شو من البلدان سافرت؟؟
ممسافرة ولا بلد كاعده بالعراق العظيم يمعود خل اطلع من البيت اول وبعدين افكربالسفر

(3) شو تحب

شمس الحب ؟؟
احب الناس كلها واحب اجاملهم بس للاسف وبالفترة الاخيرة احس نفسي تغيرت وصايرة منعزلة مااعرف ليش


(4) ماهي الحياه بالنسبه لك ؟؟
ايام وبنعيشها بيها اللحظات الحلوة وبيها اصعب اللحظات وبكل الاوقات هي مجر رحلة سفر قصيرة جدا

(5) هل الحياه بالنسبة لك حلوة ؟؟
حلوة من اكون راضيه عن نفسي وتصرفاتي
بس بكل الاحوال حلوة الحياة اذا عرفه نعيشه صح ونحاول نرضي رب العالمين لان بس بهاي الحاله نكدر نسعد نفسنه

(6) شو تكره

شمس الحب؟؟
هوايه شغلات اكرهها اولها الكذب وانو يجرحني شخص ويتهمني بشي اني ممسويته او انو سويته غصب عني كولش قهرني

(7) بلاد تتمنى السفر اليها ولم تقومي بعد بزيارتها ؟؟
اي بلد بس كون اطلع من العراق هع

(8) سؤال غريب بالنسبة لي .. شو يعنيلك الدم ؟؟
الدم؟ يعنيلي سر الحياة والي تسري بيه الروح ولهذا دائما نشبه الحبيب بالدم الي يجري في عروقنه

(9) شو يعنيلك البر؟؟
الامان والحريه

(10) العزبة ؟؟
شنو تقصد بالعزبة؟ مفهمت قصدك بالضبط

(11) البحر؟؟
مكان هادئ اتمنى اكعد كباله واتامله

(12) موقف مضحك مريت به ؟؟
امممممم مااتذكر ووالله بالضبط

شو
شو
ههههه
شنو تريد تحجيني كوة مااكولك هع هع
(13) منو الاعضاء الي تحبيهم اكثر؟؟؟؟
كلهم احبهم بدون استثناء والله

(14) تحبين الغروب لو الشروق؟؟
احب الشروق لان ينطيني امل جديد
واحبالغروب لان يذكرني انو لكل شئ نهاية وزوال
(15)ماذا تمثل الصداقة بالنسبة لك؟
اجمل شئ في الوجود واني بصراحه اقدس الصداقة
وعندي الصديق كل شي بحياتي

(16)جملة سمعتها مرة واحتفظت بها في قلبك؟
اممم انتي الاروع دائما

(17)حكمتك في الحياة؟
عامل الناس كما تحب ان يعاملك الناس

(18)هل الحب عذاب؟ وشو رايك فيه؟

بلعكس الحب احلى شي بالدنيا يلون حياتك ويحليه بعينك اذا جان الحب متكافئ ومن الطرفين
(19)ماذا تفعلين عندما توصد الايام ابوابها في وجهك ؟
اكعد وحدي وافكر شنو الغلط الي بحياتي ووصلني لهيج مرحلة واحط عيني بعين الله واعتمد عليه لان ماكو غيره يطلعني من كل بليه وسوء والله يبعدنه واياكم عن كل مكروه وسوء
(اخيرا) شنو رايج ب اسير الروح
وردة مال الله ماكو منه كولش حباب وخلوق ومؤدب وصريح
واتمناله كل الخير والموفقيه بحياته

تحياتي الج

اشكرك ورده على الاسئله الحلوة مثلك
كولش عجبتني اسئلتك اذا عندك غيرهم جيبهم هع شوف شلون صرت طماعه هع
تحياتي الك ياوردة

[Master of Sadness]

عيوني
شمس الحب
شلونج
ان شاء الله مرتاحه على الكرسي
ونبدي



لو خيروكي بين حبيبك وبين اعز صديق فمن تختارين ؟


.من يسكن قلبك؟

.هل تعتقد ان حظكي سيئ؟

.هل هزمكي حزنكي في يوما من الايام؟

.((مستحيل انساك)) لمن تقوليها ؟

.(( اللي راح راح وماتفيد كلمة ياريت ))
إذا أردت ان توجهي هذه العباره لنفسك, فماذا تقصدين بها ؟

.(( انت كل شيء بحياتي )) لمن تقوليها ؟


اي الدول تتمني ان تزوريها ؟


هل انت راضيه عن نفسك ؟

.هل تؤيدين الزواج العاطفي ام الزواج التقليدي ؟ ولماذا ؟

.ايهما اهم بنسبه الج شهادتكي الجامعيه لو الزواج ممن تحب ؟

.هل تعترفي بشيء اسمه الصداقه بين الرجل والمرأة ؟

.هل انتي مدمنة تفكير؟

.من هو اكثر شخص تفكرين به؟


.اذا تم تعيينك ملكة لجميع البلاد العربيه فما اول قرار ستتخذينه ؟

.هل تكرهين شخص بشده في حياتك ؟


.هل ملابس الشخص امامكي تؤثر فيكي لتأخذ عنه انطباع جيدا لو سيئ؟؟


اذا احببتي شخصا في الوقت الخطأ وفي المكان الخطأ فماذا تفعلين ؟؟

مقوله تؤمنين بها حتى الان؟

.عاده تفعليها دائما تتمني ان تتركيها ؟

هل فكرتي يوما الانتحار؟

شلونج بدراسة زينه لو كلشي ماكو؟

شنو يعني شمس الحب (شنو يعنيلج)؟

شنو تعنيلج هاي الشغلات
1- الخيانة؟
2-القمر؟
3- الصداقة؟
4-الكذب؟

شنو رأيج باهي الاعضاء
زيد الحيالي
مستر كول
حماده
ابو ريشة
حمكي
اريج الورد
حماده
دارك لف
تامي
اسير الروح
حماده
احبك لاخر ثانية
كوكو الوكيحه
هتمن
روعه بحاسيسه
امبراطور البصرة
دمعة الم
كول كيل
لويص
سوفت مون
واخر شي
شنو رأيج بيه بكل صراحه


ان شاء الله اسئلة موصعبة
تقبلي تحياتي
Master of sadness

[شمس الحب]

عيوني

شمس الحب
تسلم عيونك وردة
شلونج
الحمدلله بخير
ان شاء الله مرتاحه على الكرسي
اي اخر راحه
ونبدي
يلا

لو خيروكي بين حبيبك وبين اعز صديق فمن تختارين ؟
اويلي غير سؤال صعب الله ليجيب هذا اليوم اثنينهم اعزاز على كلبي ومامستعده اضحي بيهم اثنينهم لو اثنينهم لو مااريد

.من يسكن قلبك؟
هوايه ناس وكل شخص اله مكانه بكلبي يعني اهلي وحبيبي وانتو ولنس الي اعزهم

.هل تعتقد ان حظكي سيئ؟
مااريد اعتقد بهذا الشي اصلا حتى لو جان صدوك لان التوفيق من رب العالمين

.هل هزمكي حزنكي في يوما من الايام؟
بصراحه وماانكر هذا الشي اي وباكثر من موقف

.((مستحيل انساك)) لمن تقوليها ؟
لعراق الكل

.(( اللي راح راح وماتفيد كلمة ياريت ))
إذا أردت ان توجهي هذه العباره لنفسك, فماذا تقصدين بها ؟
اقصد الي خسرته بحياتي راح وبعد مستحيل يرجع ولازم انساه لان ميفيد بعد حتى الذكرى والذكرى اقصد بيها ناس جانو كل شي بحياتي بس للاسف اكتشفت انو اني جنت ولا شي بحياتهم مجرد نزوة

.(( انت كل شيء بحياتي )) لمن تقوليها ؟
امي

اي الدول تتمني ان تزوريها ؟
احب اسافر للسويد

هل انت راضيه عن نفسك ؟
اي والحمدلله

.هل تؤيدين الزواج العاطفي ام الزواج التقليدي ؟ ولماذا ؟
بصراحه اهم شي يكون متكافئ ومو شرط يكون عاطفي او تقليدي لا هوايه اكو زواجات تقليديه نجحت وكانت احسن من العاطفيه والعكس صحيح بس الي اريد اكوله اهم شي واحد يكون متفهم الاخر وصدكني الحب بالعشرة يجي حتى لو جانو متزوجين مو عن حب

.ايهما اهم بنسبه الج شهادتكي الجامعيه لو الزواج ممن تحب ؟
اني محصلة على شهادتي والثانيه اكتفي بحمد رب العالمين على كل شي يكتبله الي

.هل تعترفي بشيء اسمه الصداقه بين الرجل والمرأة ؟
اي اكو صداقة عادي بس كون متزيد عن حدها لان كل شي يزيد عن حده ينكلب ضده واحتمال تكلب علاقة حب وتتطور وبض المرات تكلب لغير شي وتصير محلوة بسلازم بكل الاحوال مراعاة الدين الاسلامي وعاداتنه وتقاليدنه ومراعاة رقابة رب العالمين لتصرفاتنه

.هل انتي مدمنة تفكير؟
اووووووووه لابعد الحدود

.من هو اكثر شخص تفكرين به؟
اهلي وحياتي الخاصة

.اذا تم تعيينك ملكة لجميع البلاد العربيه فما اول قرار ستتخذينه ؟
امحي كل الحكام هع

.هل تكرهين شخص بشده في حياتك ؟
لا الحقد مو من صفات المسلم والحمدلله انيمحاقده على احد

.هل ملابس الشخص امامكي تؤثر فيكي لتأخذ عنه انطباع جيدا لو سيئ؟؟
لا انكر بعض المرات لان تعكس ذوقة وشخصيته بس هم مو مقياس والملابس عمرها ماصنعت الانسان

اذا احببتي شخصا في الوقت الخطأ وفي المكان الخطأ فماذا تفعلين ؟؟
اووووووف وهذا صار ويايه بصراحه لا املك الاجابه على هذا السؤال لاني من صدوك حايرة بيه

مقوله تؤمنين بها حتى الان؟
وعينك ا ابدت لك معايبا فصنها وقل ياعيني للناس اعين

.عاده تفعليها دائما تتمني ان تتركيها ؟
مجاملة الناس على حساب نفسي

هل فكرتي يوما الانتحار؟
اي وربي بس ايام المراهقه هع

شلونج بدراسة زينه لو كلشي ماكو؟
اني مخلصة كليه بس بايامي جنت زينه اني كولش احب الدراسه ولو سمحتلي افرص اكيد راح اكمل دراسات ان شاء الله

شنو يعني شمس الحب (شنو يعنيلج)؟
يمثلني ويعني اني من احب احب انطي للي احبه كل حياتي بدون ماانتظر منه شي

شنو تعنيلج هاي الشغلات
1- الخيانة؟ اكثر شي بغيضه بالدنيا
2-القمر؟ انيس العشاق
3- الصداقة؟ شي حلو ومقدس
4-الكذب؟ اكثر شي اكرهه

شنو رأيج باهي الاعضاء
زيد الحيالي دولة وعلم والملك بعد
مستر كول كولش حباب ووردة
حماده درة مال الله
ابو ريشة بصراحه مو كولش اعرفه بس شخص اله قيمته ومكانته بالمنتدى
حمكي ماكو منه باخلاقه وطيبة كلبه
اريج الورد كولش نشيطه وحبابه
حماده
دارك لف مااعرفه بصراحه
تامي مو كولش اعرفه بس بالمنتدى بس مبين حباب وورده
اسير الروح اخويه الصغير كولش احترمه
حماده كل شويه تسالني عن حماده
احبك لاخر ثانية وردة وتعجبني صراحتها وجرأتها
كوكو الوكيحه مشاغبة المنتدى هع
هتمن مااعرف
روعه بحاسيسه هي من اسمها روعه دلوعة المنتدى
امبراطور البصرة اعجز عن وصفه كل صفة حلوة بيه
دمعة الم تجنن بكل شي
كول كيل حبيبة كلبي كولش احبها واحترمها
لويص وردة وربي
سوفت مون حياتي كولش احبها
واخر شي
شنو رأيج بيه بكل صراحه
انت حباب ومؤدب ومواضيعك تجنن وحضورك كولش حلو ومميز بالمنتدى والك مني احلى تحيه

ان شاء الله اسئلة موصعبة
تقبلي تحياتي
Master of sadness

تجنن الاسئله عاشت ايدك ياورده
كولش اتونست بيها
تقبل تحياتي ورده

[وـرـرده فـرنـسـيـه]

هلو حبي
نورتي كرسي الاعتراف وعندي كم سؤال

1)لماذا اختارتي هذا اللقب
2)ماهو حلم عمركي الذي لم يتحقق
3)هل انتي حزينة
4)هل ينقصكي شي في حياتكي
5)ماهو الذي يستحق التغيير في المنتدى
6)ما الذي ينقصكي في حياتكي
7)من هو اقرب عضو لديكي في المنتدى
8)ماهي الصفة السلبية في شخصية شمس الحب
9)من هو اقرب عضو لديكي في المنتدى
10)شنو يعنون الج
اريج الورد
سوفت موون
عراقية حلوة
حماده
صاحب الزي الاسود
زيد الحيالي

ماحبيت اسال هواي لان ادري النت ضعيف وماتكدرين تجاوبين هئ
ودي

[عراقيه حلوه]

هله بيج ورده منوره
ويارب تكونين مرتاحه ع الكرسي

وهاي عندي كم سؤال

شنو هيه قمة الحيره
و قمة الالم
وقمة العذاب بلنسبه الج ؟؟؟؟

شنو اسوء خبر سمعتي هاي السنه ؟؟
منو هوه تؤم روحج ؟؟

هذني هم كم سؤال بس لازم تكتبين اسم عضو او اعضاء بكيفج المهم تكتبين اسم مو الكل و بصراحه
منو هوه العضو اللى نفسج تخنكيه ؟
منو هوه العضو اللي شايف روحه بنظرك ؟
منو هوه العضو الي يستحق لقب محبوب المندى ؟

منو الشخص الي مترفضيله طلب ابد ؟
اذا ردتي تبجين هسه على شنو تبجين ؟
شنو تقييمج لمنتدى عراق الكل؟
تدخلين جات ؟؟ واذا تدخلين ليش؟؟
شنو رأيج بصاحبة الاسئله بصراحه هااا ؟؟هههههههههه
ويييي تعبت
هههههههههه
ياب تكون اسئلتي خفيفه ههههههههه

[شمس الحب]

هلو حبي

نورتي كرسي الاعتراف وعندي كم سؤال
اشكرج عمري هذا نورج

1)لماذا اختارتي هذا اللقب
بصراحه لانو يمثلني وانيمن احب اكون انور طرق الي حبهم واتمناهم كل الخير واصلا هذا الاسم م اني اطلقته على نفسي شخص عزيز على كلبي سماني بيه
2)ماهو حلم عمركي الذي لم يتحقق
انو اطلع معدل بالسادس علمي بس مصار نصيب
3)هل انتي حزينة
نوعا ما
4)هل ينقصكي شي في حياتكي
الاطفال والناس لان اني دائما وحدي
5)ماهو الذي يستحق التغيير في المنتدى
الخمول الي بيه
6)ما الذي ينقصكي في حياتكي
الاطفال والناس
7)من هو اقرب عضو لديكي في المنتدى
امبراطور البصرة وسفير البصرة وحمكي وسوفت مون وانتي
8)ماهي الصفة السلبية في شخصية شمس الحب
التسرع
9)من هو اقرب عضو لديكي في المنتدى
...........
10)شنو يعنون الج
اريج الورد صديقة ومشرفه مميزة ونشيطه
سوفت موون ايضا صديقة واني كولش احبها واحترمها
عراقية حلوة حبيبة كلبي بس مفتقدتها هالايام متسال عني
حماده احترمه لابعد حد واقدر جهوده بالمنتدى
صاحب الزي الاسود صديق وكولش حباب ومبدع بكل شي
زيد الحيالي اووووه شحجي عنه شمعة وربي

ماحبيت اسال هواي لان ادري النت ضعيف وماتكدرين تجاوبين هئ
عفيه عليج وربي تفهمين اهئ شوكت يجر عدل هالنت ماادري حتى كلبي شيب من وره اهئ
ودي

اشكرج حبيبتي على الاسئله الحلوة مثلج
نورتيي حياتي
تحياتي الج

[شمس الحب]

هله بيج ورده منوره

ويارب تكونين مرتاحه ع الكرسي
الحمدلله اخر راحه

وهاي عندي كم سؤال
يلا اوكي

شنو هيه قمة الحيره
الجلوس وحدي

و قمة الالم
ان يتهموني بشي صار غصب عني او بدون قصد


وقمة العذاب بلنسبه الج ؟؟؟؟
الوحدة الي اني بيها

شنو اسوء خبر سمعتي هاي السنه ؟؟
من تخلى عني شخص جنت احسبه كل شي بحياتي وشكد بجيت عليه بس للاسف اكثر شخص جرحني هو


منو هوه تؤم روحج ؟؟
بعدني ملكيته

هذني هم كم سؤال بس لازم تكتبين اسم عضو او اعضاء بكيفج المهم تكتبين اسم مو الكل و بصراحه
منو هوه العضو اللى نفسج تخنكيه ؟
ههههه اخنكه؟ اسد الرافدين لان فهمني غلط وحكم عليه بدون ميعرف موقفي

منو هوه العضو اللي شايف روحه بنظرك ؟
ماكو
منو هوه العضو الي يستحق لقب محبوب المندى ؟
حمكي وامبارطور البصرة

منو الشخص الي مترفضيله طلب ابد ؟
امبراطور البصرة وزيد الحيالي هع مجبورة اسمع كلامه هع

اذا ردتي تبجين هسه على شنو تبجين ؟
على حالي ابجي هههه الله لا يكولها وليجيب البجي يمعوده لتبجيني مالي خلك والله


شنو تقييمج لمنتدى عراق الكل؟
ممتاااااااز

تدخلين جات ؟؟ واذا تدخلين ليش؟؟
لا ماادخل جات

شنو رأيج بصاحبة الاسئله بصراحه هااا ؟؟هههههههههه
تجنن وربي كلها رقه وحنان ومرح الله يخليها لاهلها والنه طبعا وميحرمنه من ابداعها وتواجدها
ويييي تعبت
هههههههههه
ياب تكون اسئلتي خفيفه ههههههههه
تخبول الاسئله
وانتظر بعد هع

اسئله كولش حلوة
عاشت ايدج حبي على الاسئله الحلوة مثلج
نورتي حبي
انتظر بعد اسئله
تحياتي الج