سجل.دخولك.ببيت.شعر.ابوذيةاو.دارمي

**nosnos** · 2010-02-20, 06:20 PM

انه اللو ماتمر انهار واهلك
والك دمع الكَلب سجاب واهـ لك
تحملت القهر والضيم واهلك
فوك الضيــم مايرضون بيه

**nosnos** · 2010-02-20, 06:21 PM

ع الهجر مكَدر year ولا week
ولا اكَدر يالــــــــمدلل الاويك
قوي انته يـ كاتلني وانا weak
why اليوم تتسبع عــــــــليه

**nosnos** · 2010-02-20, 06:21 PM

بالدنيه عالصنفك مادور ..ولفلاي
لان بجمالك جذب الكه..ولفلاي
من خدك اريد اجمع ..ولفلاي
باقه ورد واصنع مزهرية

**nosnos** · 2010-02-20, 06:22 PM

لغيرك مانبض كلبي ولادك
وثكيل وياك ميزاني ولادك
الكم بعد ماارمش ولادك
اريد اوجوه تتكابل سوية

**nosnos** · 2010-02-20, 06:22 PM

كلبي صار بسمك يعني مالك
وشنهو البقالك عندي مالك
عشت بقصر حبك وانته مالك
ورضيت بضلمك وجورك عليه

**nosnos** · 2010-02-20, 06:22 PM

صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه

**nosnos** · 2010-02-20, 06:34 PM

يروحي انته وحياتي وانته امل لي
دهاك اوراق كلبي وانته ملي
اكتب صار أليه وانتمالي
واسمك خل يصيرن اسم ليه

**nosnos** · 2010-02-27, 09:34 PM

حبيبي يبا بخت وياي شديت
وعلى هجرك الي شقدمت شاديت
بصبعك تذكر حتة خيط شديت
نزف دم ومافكرت بية

**nosnos** · 2010-02-28, 04:58 PM

صيـــر عراقـــي انــت ومُســلم آنــي
وابـــد يــوم ليــهودي مَســلم آنـــي
لآن تــاج العـروبــه ومُســلم آنـــي
عراقــي ومــا همــر تكــدر عليــه

**nosnos** · 2010-03-03, 04:12 PM

حرام انجان يهنه العيد ويطيب

ولاجرح البعد يلتام ويطيب

الي بركان حدر الضلع ويطيب

يطك من تمر ذكراهم عليه

الموضوع: سجل.دخولك.ببيت.شعر.ابوذيةاو.دارمي