سجل.دخولك.ببيت.شعر.ابوذيةاو.دارمي

**القلب الحنين** · 2010-04-25, 05:27 PM

سلمو على الموضوع يا ورده

**nosnos** · 2010-04-28, 05:12 PM

يدللو وردة
اعرف اسيوف تلاشت_من نصلهه
وايهيب إلي حملهه_من نصلهه
تعرف الزلم معدن_من اصلهه
مثل فرق الثرى عن الثريه

**مـوتـي ولا مـوـت أحسـاسـي** · 2010-04-29, 06:36 PM

أشفنة من عمرنة..شفتهمنه....وهمنه اكَبال عينك شفته همنه....ذبحنه وفوكَ ذبحة.شوف تهمنه يكَلهم بالذبح تعبلي اديه.

**nosnos** · 2010-05-03, 05:46 PM

العمر ماي وتبده صعب لمه
وعلي نكبات دهري غدت لمه
نشدته اشوكت تفرح كال لمه
اشوف اجنازتك تمرك عليه

**nosnos** · 2010-05-13, 06:29 PM

يدهري ويانة اعدل وانصحلنة
جبت عمري اعلمة وأنصحنة
حبيبي نصة عنبر ونصة حنة
واصير شموع لو يكبل علية

**nosnos** · 2010-05-20, 09:51 PM

رحت انا للدكتور حاجاني بسكوت
لو ولفك يداويك لو باجر اتموت

**nosnos** · 2010-05-22, 08:38 PM

احبك من صغر سنك ويهلك

ليش الي يحب يتعب ويهلك

اغار عليك من تكعد ويه اهلك
...
اذا ويه الغريب اشلون بيه

**nosnos** · 2010-05-22, 08:41 PM

غيابك خلخل اعضامي.. وهدهن

وجر حسرات ببعادك.. وهدهن

آلي دمعات لو ابجي.. وهدهن
...
تفيض اليابسة ونغرك سويه

**L•َِOَِ•Y•َِUَِ•S** · 2010-05-23, 03:42 PM

لو روحي من تروح بيك اني احسها وبشوفتك ترتاح وتجر نفسها

**nosnos** · 2010-05-23, 07:03 PM

يصاحب لاتظن مسرور بعداك
وعسى سم الزهر يندار بعداك
شيطفي الكلب من نار بعدك
يطفيها الوكت من ترد ليه

الموضوع: سجل.دخولك.ببيت.شعر.ابوذيةاو.دارمي