سجل حضورك بأبوذية

[ۅرډة فـޢޢـرنـޢޢـسـޢޢـآ]

غرك قلبي ابحر حبك والك فاج
والك فتحه بوسط قلبي والك فج
الك شرطة حرس تطلع والك فوج
والك قاسم عطا ياخذ تحية

[ۅرډة فـޢޢـرنـޢޢـسـޢޢـآ]

لفيت السلف بيدي ولا لف
وكلتله فوت منانه ولا لاف
فديت العشرة والخمسة والالاف
وفديت الربع وحتى الخمسميه

[ۅرډة فـޢޢـرنـޢޢـسـޢޢـآ]

عيوني لا دمع بيهة ولا نور
وبعدك لا شمس تنفع ولا نور
مهند ما عشك مثلي ولا نور
ولا يحيى حمل مثلي اذيه

[ۅرډة فـޢޢـرنـޢޢـسـޢޢـآ]

اريد اكصد لعد كلبك وظيفه
واحط حبي على حبك وظييفه
اذا هذا العشك صاير وظيفه
ما اطلع تقاعد للمنيه

[$بريق الماس$]

كلب صافي لون تهوه كلبنه
وابد مايوم عالصاحب كلبنه
احنه ضلوع الك وانت كلبنه
ونحافظ على الكلب من كل اذيه

[ۅرډة فـޢޢـرنـޢޢـسـޢޢـآ]

عليك اسال هبوب الريح لوهب
وعليك الكلب كالمجنون لوهب
جمر فركاك وسط الروح لاهب
ويطفه بنظره من عينك عليه

[ۅرډة فـޢޢـرنـޢޢـسـޢޢـآ]

ليش انته الشماتة بس تجرحك
عدلة ادفنهة روحي بس تجرحك
من كد ما احبك بست جرحك
وتمنيتة يظل للموت بيه

[ۅرډة فـޢޢـرنـޢޢـسـޢޢـآ]

زماني ماعرفتة شراد ماراد
بنكباتة لعد جلاي ماراد
الاحبة ليش اصيح عليه مارد
هدم حيلي بسكوته وعم علية

[ۅرډة فـޢޢـرنـޢޢـسـޢޢـآ]

تسودن كلبي بحبك وجن بي
والف عفريت صارن وجن بي
تذكر من نمت صفي وجن بي
احس بجنه نايم مو عالوطية

[ۅرډة فـޢޢـرنـޢޢـسـޢޢـآ]

حبيبي شلون حالك وصفه اليه
عوف الناس كلهه وصفه اليه
مريض وصرت انت وصفه اليه
من اشوفك كل مرض مايبقه بيه