سجل.دخولك.ببيت.شعر.ابوذيةاو.دارمي

[CoOoL G!rL]

انا العايش بأمل روحي واملكم
وابد مايوم اعوفنكم واملكم
الكلب لو لحظه ينساكم ويملكم
اكص كلبي واشمره بهاي اديه

[دمعة ألم]

شفتك وإنفتح باب الغزل بيك
رمش عينك نصل يكتل وميضه
إمتحان وكلشي حافظ حتّه الجلاد
شفت وجهك..أنطيت الورقه بيضه

[ورد البنفسج]

مشتعله نار الشوك وبكلبي تسعر ***ذاب الكلب والروح وحبيبي ما مر

[دمعة ألم]

كلي اشتعل .. لمّن تهل
يسمر ياابو عيون الكحل
سبحان ربي الصورك
يحبيبي وك تكتل كتل
تنطيني من عندك وعد
...ومااريد من عندك بعد
واحد اذا يمك گعد
اتگوم لو حتى طفل

[ورد البنفسج]

اريد اكصد لعد كلبك وظيفه
واحط حبي على حبك وظييفه
اذا هذا العشك صاير وظيفه
ما اطلع تقاعد للمنيه

[دمعة ألم]

ملاك الورد هذا لكي
قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية

[CoOoL G!rL]

فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه

[دمعة ألم]

اذا كل ساعة احبك اني جذاب
ومجبور اسولفها الحقيقة
اسف ما احبك اني ساعات
لأن والكعبة احبك كل دقيقة

[عراقيه حلوه]

جاري الاتصال وياك جاري
يمن حبك نهر بالروح جاري
وين الله وبيوم تكون جاري
احني الحايط والباب واديه

[دمعة ألم]

أْخرب مِن اشوفك ومِن ينحجي بطارِيـك
يمعـَـــذِب هَــلشِفــايـــفْ بِيـــك تِتغــــزل
مــا أقبـل إهانـــة مِـــنْ آغـــــازل بِيـــــكْ
بس راَضــي بمحَبتــَك يوميــة اتــــــرَزل