¸,.-~*مــآيــك المنـتـدى *•~-صوتو ويانه...

[•كہاتہم الاـح°زانہ•]

تم التصويت لـ ايوشا هع
تحياتي

[مريومه العراقيه]

اذا الاصوات كلها ايوشه
ايوشه الها المايك لمدة يومين
وهسه ايوشه المايك بيدج احجي وفضفضي شكد متريدين
بعد يومين ينسحب المايك منج اوكي يله ابدي
1
2
3
انطلقي حياتووو

[StaY WitH Me]

السلام عليكم

شلونكم

اول شي اني اشكر الكل لانه شجعوني

و بالاخص ميتل هيرو لان دائما يشجعني حته اشتغل اكثر

هسه احجيلكم عن حياتي

اني انولدت باالعراق ابغداد

بس ابويه مصلاوي و امي بغداديه

يعني مصلاويه

كبرت دخلت مدرسة الحمد لله

اجتي الحرب الله ياخذها يا رب

اول مبدت الحرب ورا شهرين من الحرب

جنت بالمدرسه رجعت للبيت لكيت الامه مكلوبه بالبيت

كلت لماما شكو كلتلي لا ماكو شي بس ابوج راح للبصرة على غفله

كتلها زين ليش دتبجين كلتلي لانه رح نشتاقله كتلها لتخافين يرجع

اليوم الثاني رحنه لبيت خالتي الي بابا جان بيه بايت

لكيته كله طلقات و البيبان مفجرة و اكو دم على الكع

المهم ما اطولها عليكم

ورا كم يوم جنت ببيت جدي اهل ابويه

فسمعت من بيبيتي انه ابويه اخذوه الامريكان الله لا يطيهم العافيه

و اخذوه مصوب بأيده

فتخيلو اللحظه الي اني جنت بيها ...!

عبالي جان بالبصرة هوه ماخذيه الامريكان

فمر الوقت و طبعا اهلي مبقو مكان مدورو بيه

حته عمي سووله واسطه طب للسجناء و بالاخير ماكو فائدة

و لحد الان ما اعرف عنه شي بس احنه نكول ميت

لانه من 2003 منعرف عنه اي خبر

و شغله ثانيه اجانه واحد للبيت ابغداد يكول اني اعرفه

و هوه دزني عليكم و هوه جان جذاب

و بيوم من الايام راد يبوك امي

تخيلو الحقارة ليوين واصله

و تعرفون اني ابويه بحياتي كلها شايفته سنه وحدة بس

لانه هو جان عايش بالاردن

و هاي طبعا اخويه الصغير ابداً مشايف ابويه بس بالصور

لانه جانت امي حامل بيه لمن اخذو ابويه

المهم هسه انه امي هيه صارتلي ام و اب و اخت و اخ بس شسوي هاي هي الحياه

و اني عشت سنتين بالاردن و بعدني اربع اشهر بأستراليا




___ و هاي فد شي على العراق ___

أريد أكتب رساله وأنثر حروف

وأذكر شعب عاش وقاتله الخوف

الطفل يرضع دموع ومقمط بالهموم

وكبر بأرض العراق وضيع الشوف

مايندل طريقه ..منين..ماويـــــــن؟؟

ويغم بقصته ويصفق بالجفوف..

أبوه بأول شبابه وعاشر الجيش

وتاليته ابساطه بعلم ملفوف..

وأمه من الصبح تفتر بالأسواق

وتلقاها العصر ((بالكاظم))اتطوف

وكبرالطفل وظل ايتعثر بالسفارات

عراقي وبالدول حتى اسمه "ممنوع"

كبر مع الحزن ومادنق الراس..

ويشد بطنه على ظهره بساعة الجوع

ويجاوبك لوسألته شلون الاحوال؟؟

بكلمة الحمدلله عشت وبراس مرفوع.

رصيدك بالبنوك يالخليجي أشكال والوان..

ورصيدي آنه ولك بس خمسه من الحروف

"عـ_ر_ا_ق_ي"وماأنذل من جور الايام

وأموتن "كالشجر"مااطيحن أموت أوقوف..

[StaY WitH Me]

ضايجة و طاكه روحي
و راسي حينفجر
و اريد ارجع لاي بلد عربي هففففففف

[StaY WitH Me]

لكم وكككككككككعت رح ابجي رجلي انجرحت 7 سم هع
بس مو عميق بس كلللللللللش تحرك

[مريومه العراقيه]

حياتوو ايوشه انتهى الوقت المحدد وهسه
بامكانكم الرد على ايوشه والترشيح لاي عضو
والعضو الي يحصل على صوتين يكون المايك اله
1
2
3
انطلق

[عطر المودة]

ارشح نفسي هع مشكورة على الموضوع

[العميد نهاد العراقي]

اممممممممم
ماطول عطر الموده رشحت نفسها
ارشح (( عطر الموده )) ادللي هع

[ملاك الحب]

واني هم ارشح عطر الموده

[مريومه العراقيه]

صراحا يا ايوشه معرف شكولج بس كل الي اكدر اكوله الج
الله يخليلكم امكم ويحفظها من كل مكروه وينور طرقها وطريقكم ياربي
وتعرفيني اني اختج يعني شوكت متردين مني اي شي بس أأمريني
واني هم ارشح عطر الموده