اسئلة تغث الواحد وتطلع روحه

السلام عليكم ورحمة الله وبركاته

اخوتي وخواتي شلونكم؟؟؟
ان شاء الله تكونون بخير...

إنت نايم على جربايتك، ومطفّي الضوة، ومتغطي بالبطانية، يجي واحد من أهلك ويفتح باب غرفتك
ويگلك:
'هاااااااا ؟؟ !! شنو نايم ؟
؟'
**** لا والله دا ارگص وأغنّي.. بس إنت دتتخيل آني نايم


معزومين يم جماعة، ووصلتوا.. دگيتوا الباب.. يفتحلكم واحد من أهل البيت وراسا
يگوللكم:
'ها..جيتوا ؟؟'

***لا والله بعدنه على الطريق.. بعد نص ساعة نوصل لطويريج.. إشوية إزدحام


لابس هدومك الحلوة، ومتعطّر، والجل على شعرك يخبّل، وبيدك ميدالية مال مفاتيح السيارة (إذا عندك سيارة)... تجي أمّك
وإتكول:
'ها إبني.. طالع ؟؟'؟؟؟

*** لا والله يُوم.. دا أطلع للسطح.. وأعدّل الدش مال الستلايت..

لازم الكتاب لو الملزمة، وگاعد دتقرة لأن باجر عندك إمتحان، وناثر الكتب حواليك والأوراق مطشّرة بكل مكان.. يطب أبوك
ويگلك:
'ها إبني.. دتقره ؟؟'

*** لا والله يابة.. دا أبدّل الدهن مال السيارة ودا أصلّح الكابريتر.


توّك لازم السماعة مال التلفون واتريد إتخابر صديقك (لو صديقتك)، وبديت إدّك بالأرقام.. تجي أمك
وتسألك:
' شنو دتخابر'

*** لا والله.. دا أسوي زلاطة.. بس السچينة عمية ومدتنگص الطماطة وياية

واحد يأشّر لتكسي.. التكسي يوكفله..
يگلّه للسايق:
'فارغ ؟؟'

***لا والله عندي أربع خوط مال مدارس لازم أجيبها، وأريد اروح أتسوّك قبلها، واشتري لحم، وأشتري ركيّة، وأدفع قائمة الكهرباء.


راكب نفرات بكيّا.. إطلِّع (ربع دينار) وتنطيها للكدامك.. الكدامك
يسألك:
'واحد عيوني ؟؟'

***لا عيوني.. 20 واحد ورجعلي الباقي

إتريد تنزل من الكيّا.. تگولّه للسايق.. على اليمنة بلية زحمة..
السايق يسألك:
'شنو.. إتريد تنزل ؟؟'

*** لا والله .. دا أجرب صوتي... أشوفه حلو لو محلو

هههههههههههههههههههههههههههههههههههههه
اويلي يابه راسي يوجعني من الضحك
هههههههههههههههههههههههههههههههههههههه
عاشت ايدج عمري صدك ادرورخ

:q7:
عاشت ايدج وردة
خوش تحشيش
توب
تقبلي مروري

تدللون حب
شكرا عالمرور الحلو
تحياتي

هههههههههههه و اني هوايه اصير ويايه ها نايمه

مرات والله اكلها لا كاعد العب طوبه

ههههههههههه
تدللين وردة

ههههههههههههههههههه
تحشيش نوب صدك اضوج من هل الاسئله

تدلل وردة
منور

:q1: اي والله من صدك تغث الواحد :q1:
ههههههه تحشيش رووعه و ربي
عاشت ايدج على الموضوع المضحك
ننتظر جديدك التحشيشي
تحياتي
العميد نهاد العراقي

تدلل وردة
منور