اسئلة تغث الواحد وتطلع روحه

[CoOoL G!rL]

السلام عليكم ورحمة الله وبركاته

اخوتي وخواتي شلونكم؟؟؟
ان شاء الله تكونون بخير...

إنت نايم على جربايتك، ومطفّي الضوة، ومتغطي بالبطانية، يجي واحد من أهلك ويفتح باب غرفتك
ويگلك:
'هاااااااا ؟؟ !! شنو نايم ؟
؟'
**** لا والله دا ارگص وأغنّي.. بس إنت دتتخيل آني نايم


معزومين يم جماعة، ووصلتوا.. دگيتوا الباب.. يفتحلكم واحد من أهل البيت وراسا
يگوللكم:
'ها..جيتوا ؟؟'

***لا والله بعدنه على الطريق.. بعد نص ساعة نوصل لطويريج.. إشوية إزدحام


لابس هدومك الحلوة، ومتعطّر، والجل على شعرك يخبّل، وبيدك ميدالية مال مفاتيح السيارة (إذا عندك سيارة)... تجي أمّك
وإتكول:
'ها إبني.. طالع ؟؟'؟؟؟

*** لا والله يُوم.. دا أطلع للسطح.. وأعدّل الدش مال الستلايت..

لازم الكتاب لو الملزمة، وگاعد دتقرة لأن باجر عندك إمتحان، وناثر الكتب حواليك والأوراق مطشّرة بكل مكان.. يطب أبوك
ويگلك:
'ها إبني.. دتقره ؟؟'

*** لا والله يابة.. دا أبدّل الدهن مال السيارة ودا أصلّح الكابريتر.


توّك لازم السماعة مال التلفون واتريد إتخابر صديقك (لو صديقتك)، وبديت إدّك بالأرقام.. تجي أمك
وتسألك:
' شنو دتخابر'

*** لا والله.. دا أسوي زلاطة.. بس السچينة عمية ومدتنگص الطماطة وياية

واحد يأشّر لتكسي.. التكسي يوكفله..
يگلّه للسايق:
'فارغ ؟؟'

***لا والله عندي أربع خوط مال مدارس لازم أجيبها، وأريد اروح أتسوّك قبلها، واشتري لحم، وأشتري ركيّة، وأدفع قائمة الكهرباء.


راكب نفرات بكيّا.. إطلِّع (ربع دينار) وتنطيها للكدامك.. الكدامك
يسألك:
'واحد عيوني ؟؟'

***لا عيوني.. 20 واحد ورجعلي الباقي

إتريد تنزل من الكيّا.. تگولّه للسايق.. على اليمنة بلية زحمة..
السايق يسألك:
'شنو.. إتريد تنزل ؟؟'

*** لا والله .. دا أجرب صوتي... أشوفه حلو لو محلو

احدث المواضيع:

• واحد خابر صديقه على التليفون
• خفة دم و مواقف طريفة في الحج
• شاعر كيكي يلقي ابوذية:
• بالقرآن صايـــــــر چني تفاحه.....
• في ﻭﺍﺣﺪ ﻗﺒﻞ ﻣﺎ ﻳﺘﺰﻭﺝ ﺍﺑﻮه عطاه ﻭﺭﻗﺔ
• اسئلة عراقية مالها داعي !!!!!!
• ثلاثة شباب تراهنوا منو يخلي الشيخ يسب ويغلط ...
• قال نابليون ^_^
• ربْي ان كاَن [موتي] راحه لهم !
• استخدامات كلمة عيني بين العراقيين =))

[Miss Alrassam]

هههههههههههههههههههههههههههههههههههههه
اويلي يابه راسي يوجعني من الضحك
هههههههههههههههههههههههههههههههههههههه
عاشت ايدج عمري صدك ادرورخ

[دمعة ألم]

:q7:
عاشت ايدج وردة
خوش تحشيش
توب
تقبلي مروري

[CoOoL G!rL]

تدللون حب
شكرا عالمرور الحلو
تحياتي

[StaY WitH Me]

هههههههههههه و اني هوايه اصير ويايه ها نايمه

مرات والله اكلها لا كاعد العب طوبه

[CoOoL G!rL]

ههههههههههه
تدللين وردة

[اسد الرافدين]

ههههههههههههههههههه
تحشيش نوب صدك اضوج من هل الاسئله

[CoOoL G!rL]

تدلل وردة
منور

[العميد نهاد العراقي]

:q1: اي والله من صدك تغث الواحد :q1:
ههههههه تحشيش رووعه و ربي
عاشت ايدج على الموضوع المضحك
ننتظر جديدك التحشيشي
تحياتي
العميد نهاد العراقي

[CoOoL G!rL]

تدلل وردة
منور