عوف الطائفيه؟؟؟؟؟؟؟؟؟

اجيتك شايل ابچفي غصن زيتون ... ليش انته مصر اوياي تتعارك

عوف الطائفيه اومنهج التكفير ... كافي اتبيع اخوك اوتهدم اديارك

مو انته الچنت مضرب مثل بالجود ... حاتم بالضيافه اوشايعه اخبارك

حولته مضيفك غرفه للتعذيب ... اوصفه جمر الدلال اغموس خطارك

چان اليعتنيك اتگصله احلى اثياب ... هس اليعتنيك ايفصله منشارك

قلعت اعيون اخوك اولله لو ناخيه ... چابيده شلعهه اوجابهه الدارك

شجاك اتغيرت مابين ليله اويوم ... عساهه ابخت كلمن سمم افكارك

اريدآنه اسألك جاوبني بلله ارجوك ... جارك ليش يمك نزل وختارك

لان عنك سأل گالوله طيب ذات ... اشلون اطاك گلبك شيلت جارك

من حمل غراضه اعيونك انته اتشوف ... وتباوع ازغاره اتودع ازغارك

دمع مرته اوبناته الغرگ الوجنات ... يظل طول الحياة ايذكرك ابعارك

حسبالك تأمن من شعلت النار ... هم ترجع عليك اوتاكلك نارك



أخوان سنة وشيعة للمــــــوت باقيــن

الله الله
كلمات روعه
بس كولي وينه يلي يسمع
سلم لنا ابداعك ورده
تحيتي

اي والله وين اليسمعها
منور ورده
تحياتي الج

الله الله
يسلمووووووووو عاشت الانامل يا وردة
ابدعت
تحياتي الك

منورة ورده
شكرا على المرور الحلوو
تحياتي الج

سلمت لنا اناملك على ماخطت من ابداع متميز
وكلمات رائعة
تحياتي الك
عيوني

منورة ورده
تحياتي الج

أخوان سنة وشيعة للمــــــوت باقيــن

منور ورده
تحياتي الك

شكرا ع موضوع الرائع
لا تحرمنا من جديدك

تحياتي