عوف الطائفيه؟؟؟؟؟؟؟؟؟

[حمكي]

اجيتك شايل ابچفي غصن زيتون ... ليش انته مصر اوياي تتعارك

عوف الطائفيه اومنهج التكفير ... كافي اتبيع اخوك اوتهدم اديارك

مو انته الچنت مضرب مثل بالجود ... حاتم بالضيافه اوشايعه اخبارك

حولته مضيفك غرفه للتعذيب ... اوصفه جمر الدلال اغموس خطارك

چان اليعتنيك اتگصله احلى اثياب ... هس اليعتنيك ايفصله منشارك

قلعت اعيون اخوك اولله لو ناخيه ... چابيده شلعهه اوجابهه الدارك

شجاك اتغيرت مابين ليله اويوم ... عساهه ابخت كلمن سمم افكارك

اريدآنه اسألك جاوبني بلله ارجوك ... جارك ليش يمك نزل وختارك

لان عنك سأل گالوله طيب ذات ... اشلون اطاك گلبك شيلت جارك

من حمل غراضه اعيونك انته اتشوف ... وتباوع ازغاره اتودع ازغارك

دمع مرته اوبناته الغرگ الوجنات ... يظل طول الحياة ايذكرك ابعارك

حسبالك تأمن من شعلت النار ... هم ترجع عليك اوتاكلك نارك



أخوان سنة وشيعة للمــــــوت باقيــن

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[عراقية كوول]

الله الله
كلمات روعه
بس كولي وينه يلي يسمع
سلم لنا ابداعك ورده
تحيتي

[حمكي]

اي والله وين اليسمعها
منور ورده
تحياتي الج

[nosnos]

الله الله
يسلمووووووووو عاشت الانامل يا وردة
ابدعت
تحياتي الك

[حمكي]

منورة ورده
شكرا على المرور الحلوو
تحياتي الج

[دمعة ألم]

سلمت لنا اناملك على ماخطت من ابداع متميز
وكلمات رائعة
تحياتي الك
عيوني

[حمكي]

منورة ورده
تحياتي الج

[اسد الرافدين]

أخوان سنة وشيعة للمــــــوت باقيــن

[حمكي]

منور ورده
تحياتي الك

[•كہاتہم الاـح°زانہ•]

شكرا ع موضوع الرائع
لا تحرمنا من جديدك

تحياتي