ضيفة كرسي الاعتراف المبدعه ( JoJo 4 ever ) من تاريخ 24 الى 29 تنتهي المدة

[العميد نهاد العراقي]

هلوووو
53:
شباب ^ بنات
اشلوونكم ان شاء الله بخير

ضيفتي اليوم مو اي ضيفه

هي انسانه غايه في الرقه
جميله الاحساس
ناعمه في تعاملها
مرحه في كلامها
محبوبه جدا جدا جدا

مبدعه و مميزه للغايه في عملها
برزت و سطع نجمها عاليا في سماء عراق الكل

مبدعتنا هي

( JoJo 4 ever )

اهلاً و سهلاً بيكِ
وردة اتفضلي اكعدي
ان شاء الله ترتاحين على الكرسي




ها ان شاء الله مرتاحه بالكعده؟
هذا الكرسي وصينه عليه مخصوص الج

يلا هسه خلي اضيفك حته متكولين عليه بخيل

هاي جبتلك كيك انواع
وانتي اختاري الي يعجبكِ

و هاي هم حلويات التهي بيهن

وهذا الجاي

واذا متحبين الجاي فهاي كولا

يلا كافي بعد تعالي جاوبي على الاسئله

البطاقه الشخصيه

الاسم

العمر

تاريخ الميلاد

الحاله الاجتماعيه

الهوايه

الجنسيه

مكان الاقامه

التحصيل الدراسي

بالنسبه الي خلصت اسئلتي

و ننتظر بقية الاعضاء
ملاحظه.... كل عضو اله حق يسئل 10 اسئله فقط
لا غير اكثر من 10 اسئله يحذف السؤال المتجاوز
و كل عضو اله حق مرة وحده يسئل
و رجاءاً بدون تجريح للعضو
يلاا عدكم خمسة ايام فقط لطرح
اسئلتكم
و ان شاء الله تلتزمون بالقوانين

تحياتي لكم جميعاً
العميد نهاد العراقي

احدث المواضيع:

• ضيفة (كرسي الاعتراف)&الدمعة العراقية &
• تفضلوا بالمشاركه في ترشيح ضيفنا القادم لكرسي الأعتراف
• بضيافتنا على كرسي الاعتراف .....بنت الاعضميه
• ترشيحات كرسي الاعتراف
• بضايفتنا على كرسي الاعتراف (سوزي مجنونة تامر حسني)
• ترشيحات كرسي الاعتراف
• بضايفتنا على كرسي الاعتراف المشرفه دالي العراقية
• ترشيحات كرسي الاعتراف
• صاحب الزي الاسود بضيافتنا على كرسي الاعتراف
• تفضلو رشحو

[مريومه العراقيه]

هلوو جوجوحبيبتي شلونج؟؟

ان شاء الله بخير

بما انتي اتحبين البنفسجي ودائما تكتبين بيه

فالعيونج حكتب اني بغير لون ^_^

وهسه حبيت اسالج كم سؤال ويارب ماكون ثقيله عليج

يله نبدي

1/شنو معنى الصديق عند "جوجو"؟؟

2/شنو ستايل "جوجو" كـ لبس ؟

3/مكان ترتاحين بي؟

4/رأيج اقوى من تفكيرج؟

5/احلى هدية وصلتج ؟

6/متى يستحق أن يُقال للإنسان (إنسان)...؟؟

7/ ماذا يعني لك كل من...

حب الانترنيت

الــــــــزوج

الصـــــديق

الابنــــــــاء

الأمــــــــل

البحـــــــر

الدمـــــوع

النــــــــت

الدراســـه

السفــــــر

الفضائيات

الموضـــه

الموبايـــل

الموسيقى

المــــــوت

8/شنو التصرف اللي يخلي الانسان يكبر بعينج ويصغر بعينج؟؟

9/احد نصحج نصيحه وعملتي بيهه؟اذا اي... استفاديتي منهه؟ وشنو جانت النصيحه؟

10/شنو رأيج بمريومه ؟ وشتنصحيها ا؟وشتكولين الها ؟ وبصراحا مطلقه رئيج نصيحتج شتكولين الها ؟؟

هذه هي الاسئله واتمنى ماكون ضايقتج

احـتـرامـي ومـودتـي

[Mr.Sheevo]

منور عيني كرسي الانتقام اقصد ( الاعتراف)
شلونج ان شاء الله بخير
عندي كم سؤال
.اذا امنتي بشخص وبالاخير سويتي مو خوش انسان بنظرج وهو مو هيجي ؟؟ شنو رئيج شتكولين ؟؟؟ تتوقعين هالشي صح انه تسمعين كلمه الاخرين ؟؟؟

. انتي تعترفين بالحب الي يصير بالنت لو لا ؟؟؟؟ واذا تعترفين ليش واذا متعترفين همين ليش ؟؟؟ وسويتي علاقه بالنت ويه احد لو لا ؟؟؟

. ليش تحبين تنتقدين الواحد ؟؟؟ تعتقدين هذا الشي حلوو ؟؟؟ لو دتكليله الصراحه مثلا ؟؟؟

. شنو رئيج بهذووله الاشخاص
امبراطور العضلات
وعمر الاعظمي
وشهيد الرومانسيه
وزيد اف بي اي
ابن الحريه
حسين ركيضان
وشيفو ::الي تضوجين منه::

. تحبين تكونين دائما الاولى ؟؟
. شنو رئيج بالغرور ؟؟؟ تتوقعين شي ححلو لو لا ؟؟

خلص كملت اسئلتي بس بعد عندي كم سؤال وره متجاوبين هاي الاسئله لانه كل واحد عنده حق 10 اسئله

وبالتوفيق
:35

[JoJo 4 ever]

هلوووو
53:
شباب ^ بنات
اشلوونكم ان شاء الله بخير

ضيفتي اليوم مو اي ضيفه

هي انسانه غايه في الرقه
جميله الاحساس
ناعمه في تعاملها
مرحه في كلامها
محبوبه جدا جدا جدا



مبدعه و مميزه للغايه في عملها
برزت و سطع نجمها عاليا في سماء عراق الكل

مبدعتنا هي

( jojo 4 ever )

اهلاً و سهلاً بيكِ
وردة اتفضلي اكعدي
ان شاء الله ترتاحين على الكرسي

ثانكس هذا بس من ذوقك .. بس مو لهالدرجة يمعود .. والكرسي روعه يشبه كرسي طبيبة الاسنان ههههههههههههههه ..

ها ان شاء الله مرتاحه بالكعده؟
هذا الكرسي وصينه عليه مخصوص الج

اي همزين لان ترة مو كل كرسي زين .. اني ماحب غير كرسي طبيبة الاسنان .

يلا هسه خلي اضيفك حته متكولين عليه بخيل

هاي جبتلك كيك انواع
وانتي اختاري الي يعجبكِ

و هاي هم حلويات التهي بيهن

وهذا الجاي

واذا متحبين الجاي فهاي كولا

يلا كافي بعد تعالي جاوبي على الاسئله

عاشت ايدك عالجاي .. هذا انت مسوي ؟؟ زين ممكن تكولي شون سويته ؟؟ ولو اني الي على كرسي الاعتراف مو انت .. يله اروح للاسئلة احسن .

البطاقه الشخصيه

الاسم

جوجو .

العمر

21

تاريخ الميلاد

26.8.88

الحاله الاجتماعيه

لاشئ.

الهوايه

الرياضة .

الجنسيه

عراقية الاصل .. بس حاصلة على جنسية لخ .

مكان الاقامه

فنلندا

التحصيل الدراسي

درست سنة كلية وتركت .. بسبب اغير الشهادة .

بالنسبه الي خلصت اسئلتي

و ننتظر بقية الاعضاء
ملاحظه.... كل عضو اله حق يسئل 10 اسئله فقط
لا غير اكثر من 10 اسئله يحذف السؤال المتجاوز
و كل عضو اله حق مرة وحده يسئل
و رجاءاً بدون تجريح للعضو
يلاا عدكم خمسة ايام فقط لطرح
اسئلتكم
و ان شاء الله تلتزمون بالقوانين

تحياتي لكم جميعاً
العميد نهاد العراقي

ثانكس عالحلويات ..

:23

[JoJo 4 ever]

هلوو جوجوحبيبتي شلونج؟؟

ان شاء الله بخير

بما انتي اتحبين البنفسجي ودائما تكتبين بيه

فالعيونج حكتب اني بغير لون ^_^

وهسه حبيت اسالج كم سؤال ويارب ماكون ثقيله عليج

يله نبدي

1/شنو معنى الصديق عند "جوجو"؟؟ ولاشي .. حتى الناس الي اعرفهم واحبهم اسميهم معارفي .. ماحب كلمة صديق او صديقة .

2/شنو ستايل "جوجو" كـ لبس ؟ هيب هوب سابقا .. ومتل حاليا .
3/مكان ترتاحين بي؟ غرفتي !!.. حتى لو الدنيا مسودة بوجهي وادخلها ارتاح نفسيا .

4/رأيج اقوى من تفكيرج؟ عمر الرأي مجان اقوى من التفكير .. لان الرأي يجي دائما من بعد التفكير .. وبالنسبة اليه مانطي رأيي اذا ممفكرة بي .
5/احلى هدية وصلتج ؟ من امي .

6/متى يستحق أن يُقال للإنسان (إنسان)...؟؟ من يغفر لاخو الانسان , ويحب عدوة , ويقدم الخير للناس , ويشكر الرب على كلشي ..

7/ ماذا يعني لك كل من...

حب الانترنيت

للتسلية .

الــــــــزوج


ماعرف .. لان هالكلمه بس اسمع بيها .. بس رأيي حاليا الزوج لاشئ .
الصـــــديق

وقت الضيق ,, بس الي شفته العكس.. وايضا برأيي لاشئ .

الابنــــــــاء

مسبق وصار عندي ابناء .فماكدر اعبر بكلمه .
الأمــــــــل

هوة الي مصبرنه عالحياة ..

البحـــــــر

حامل الاحزان .


الدمـــــوع

تغسل العين من كل حزن اوجع .

النــــــــت

طريقة سريعة لمراسلة الاخرين .


الدراســـه

هيه المستقبل والعلم .

السفــــــر

تغيير جو .. وقضاء اشياء مهمه .

الفضائيات

لا تعليق .

الموضـــه

شي حلو .. بس مو مهم .

الموبايـــل

طريقة سريعه للاتصال بالاخرين .ومهم بالحياة اليوميه .

الموسيقى

هواية .

المــــــوت

لا تعليق .

8/شنو التصرف اللي يخلي الانسان يكبر بعينج ويصغر بعينج؟؟

اسلوبة وعقلة .. والانسان جبير بعقله مو بعمرة .

9/احد نصحج نصيحه وعملتي بيهه؟اذا اي... استفاديتي منهه؟ وشنو جانت النصيحه؟

اكيد طبعا ولوما هالنصيحه مجان صرت هايه جوجو الي تعرفوها .. النصيحه جانت !!الانسان قوي بارادته , وبأصرارة وبنسيانه للضعف . . واشكر الرب على كلشي .

10/شنو رأيج بمريومه ؟ وشتنصحيها ا؟وشتكولين الها ؟ وبصراحا مطلقه رئيج نصيحتج شتكولين الها ؟؟

مريومة يا مريومة انتي ليش امورة ؟ ههههههههه .. رأيي بيج تعرفي انتي انسانه روعه .. بس بيج شغله وهيه حساسة كولش وكتلج بلاها هالحساسيه بهالوكت .. لان الحساسيه هيه الضعف للانسان . فخليج قوية وتحدي المصاعب وتعدي التجارب .

هذه هي الاسئله واتمنى ماكون ضايقتج

احـتـرامـي ومـودتـي

والاسئلة الي سئليتها رديت عليها بالنسبة لرأيي .. لان كل شخص ورأيه ..

وثانكس يا احلى مريومه عالاسئله البديعه .

[L•َِOَِ•Y•َِUَِ•S]

ha3 ha3
jojo
i dont have to ask u
i know everything about u
and )0 mbrok (( for )0 krsee al a3dam (9 ha3

[JoJo 4 ever]

منور عيني كرسي الانتقام اقصد ( الاعتراف)

ماعتقد.

شلونج ان شاء الله بخير

مادام الرب وياية بخير .

عندي كم سؤال

ولو تدلل .

.اذا امنتي بشخص وبالاخير سويتي مو خوش انسان بنظرج وهو مو هيجي ؟؟ شنو رئيج شتكولين ؟؟؟ تتوقعين هالشي صح انه تسمعين كلمه الاخرين ؟؟؟

طبعا اني صح الناس عرفتني عالنت ومعرفتني عالحقيقة .. بس ماكو فرق بين حقيقتي وبين النت .. يعني جوجو هيه جوجو صاحبة رأيها واسلوبها وتفكيرها .. من انطي رأيي بشخص او اعرفه على حقيقته ,, تكون من عندي مو معنى سامعة كلام غيري .. لان عمري كولة ماذكر سمعت كلام احد غير جوجو .

. انتي تعترفين بالحب الي يصير بالنت لو لا ؟؟؟؟ واذا تعترفين ليش واذا متعترفين همين ليش ؟؟؟ وسويتي علاقه بالنت ويه احد لو لا ؟؟؟

الحب بصورة عامة ماعترف بي .. لانه فاشل وحتى اذا كانت بدايتة ناجحه فنهايتة فاشلة ..
وباالنسبة اليه مرة وحدة حبيت وجان حبي الاول والاخير ومو عالنت .. وبالنسبة للنت جان مجرد استلطاف .

. ليش تحبين تنتقدين الواحد ؟؟؟ تعتقدين هذا الشي حلوو ؟؟؟ لو دتكليله الصراحه مثلا ؟؟؟


الكل عرفتني بصراحتي .. وماتصور فد يوم انتقدت احد وهوة غايب لان محيفيدني انتقادة بشي مادام هوة ميسمعني اذن محيغير اخطاءة الي خلتني انتقده وبهالحالة محكون مستفادة من شي ..

. شنو رئيج بهذووله الاشخاص
امبراطور العضلات
اخوية .. لان انسان رائع بتفكيرة وباسلوبة وبعقلة .

وعمر الاعظمي

بس اكولة وينك ؟؟

وشهيد الرومانسيه

صديق قديم ..

وزيد اف بي اي

معندي تعليق علي .. لان مو زيد الي اعرفه ..

ابن الحريه

انسان رائع والي ميعرفه يجهله .. اخويه .

حسين ركيضان

صارله سنين يركض وميتعب ههههههههههههه ... انسان ذوووق وروعه .

وشيفو ::الي تضوجين منه::

عمري لضجت ولا حقدت ولا كرهت احد ... بس اكولة جنت اخوية العزيز والغالي ..

. تحبين تكونين دائما الاولى ؟؟

مو الاولى وانما اكون ناجحه والنجاح لا عيب ولا حرام واحب اكون ناجحه بحياتي العملية واليومية .

. شنو رئيج بالغرور ؟؟؟ تتوقعين شي ححلو لو لا ؟؟

محد يجيب الغرور غير المقربين للشخص .. من دائما الشخص ينمدح ومحد يشوفه عيوبه ودائما يسمع كلمات انت الافضل انت الاحلى انت وانت وانت .. هالشخص حيكول مادام نظرة الناس اليه هيجي اذن اني احسن شخص فحيضل عقلة يستوعب كلمات مدح وبس .. وهذا اسمه مرض نفسي برأيي .والمرض النفسي شي ممقبول .

خلص كملت اسئلتي بس بعد عندي كم سؤال وره متجاوبين هاي الاسئله لانه كل واحد عنده حق 10 اسئله

وبالتوفيق

:35

ثانكس عالمرور .. والاسئلة .

45:

[JoJo 4 ever]

ha3 ha3

jojo
i dont have to ask u
i know everything about u
and )0 mbrok (( for )0 krsee al a3dam (9 ha3

اكيد طبعا معندك اسئلة وكلشي تعرف عني لان مستجوبني اول باول بالايميل هههههههههههههههههه ..

وثانكس على مرورك .. ولتباركلي عزيني عالكرسي :35 ..

[همسة الروح]

بسم الله الرحمن الرحيم

مرحبا جوجو شلونج ان شاء الله زينه؟!
طبعا ماشاء الله جايبين كرسي بيه تلفزيون بس رجاءا لمن تجاوبين عالاسئله طفي التلفزيون لتلتهين خخخ..
نبدي !!!
* اقرب انسان الى قلبج منو هل هو من اصدقائك ام احد من اهلك؟
* افضل انسان بالنسبة لك وتتوقعين اذا اختلطتي به سوف لن تندمي ماهي اطباعه(هادئ,بسيط.متواضع)او(شغوف,متحمس,قوي)؟
* تبدين قوية ولديك وعي هل هذا بسبب تجربة مررت بها ام بسبب اختلاطك مع اشخاص معينين في حياتك ام ماذا؟
وشكراا

[NaR GaMe]

احم احم احم السلام على من اتبع الهدى والايمان
اما بعد ....

يا البي ياجوجو وكعتي دخيل الله ههههههههههههههه

حيره وربي ما اعرف شسالج ماشاء الله ابد مو عشره وابد ما اعرفج ولا تعرفيني
اي يعني ابد

يله نجفت جفت بالموضوع

0_ وصلني حجي يكولون جوجو اضوج منك صدك لو كذب ؟؟

1- جوجايه اريدج تعددين اسماء العزيزين عليج بعالم النت .. المقريب والي ترتاحيلهم ......؟؟؟؟

2- انتي ليش طبعج الخيانه انتي مو تحبين الهيب هاب ليش الستايل مالتج ميتال .....؟ ؟؟؟؟

3- اكثر برابر تحبي ( الرابر المفضل الي عندج ) ؟؟؟

4- اذا بيوم اكتشفتي الانسان الي تحجيله اسرار يروح يحجي اسرارج للناس شسوين ( طبعا حجه اسرار تاذيج ) ؟؟؟

5- اني الي اعرفه جوجو مو سهل احد يندك بيها بس هم اريد اعرف الي يفكر يندك بي شيصيرله ؟؟؟؟

6- اريد كلمة تعبر عن اصعب انواع الحب بس كلمة وحده شتكولين للي تحبي ؟؟؟

7- اني اشوف طبعج حساسه صح لو اني غلطان ؟؟؟؟؟

8- هاي نصيحه للشباب والبنات مو سؤال ههههههههههه شباب تره جوجو غضب الله كله بيها لحد يندك بيها

وربي موزين عليه هههههههههههههههههههههه يله جوجايه شطورة سؤال سؤال بدون ترك

بيستـــــــــــــــــــايل

:35