ابـــــــــــــوذيات لواحد مـــــزعلني

**nosnos** · 2009-08-12, 03:16 AM

طفيلي وادري بيك تموت بالفور
وبس مني التريده يصير بالفور
يهودي ومن تواعد وعد بلفور
توصل للصدك تكلب عليه

أريد الطم واسوي اليوم.. ماتم
لأن حبي البديتة وياك.. ماتم
أظن انه بعد هاالليلة.. مااتم (ماأبقى)
طريح فراش وانتظر المنية

عفت دنياي والبيهاوشرها
بعد ما اريد عطوتها وشرها
هدومي من الدمع تغرك وشرها
الشمس غابت وهي ظلت ندية

وانه دينك
عليك ارفع قضيه وانه دينك
وانه ثنين عينك وان ادينك
ولان اني قبلتك وانه دينك
تكفر من تحب واحد عليه

لنا مره لكم مره ومره ومرار
الدهر راواني وامره
وبعد ما اوصل لداره وامره
لان ما يوم اجه يسئل عليه

احب صوتك واحب للعود دكات
وزماني شلون اله وياي دكات
وخلص كلبي وماظل بعد بيه دكات
وترد روحي من يمر اسمك عليه

انا المجروح من كلبي وخلي
جيب الملح لجروحي وخلي
راح افتح قفل كلبي وخلي
اخلي الما بجى يبجي علية

سهام الولع صابني وفاتن
لان ولفي الاحبه اسمر وفاتن
يهجرك سبب الروحي وفاتين
السمع والشوف سكتهن سويه