أشوفك مو على بعضك يغالي اشبيك؟

**مـوتـي ولا مـوـت أحسـاسـي** · 2009-03-31, 02:08 AM

أشوفك مو على بعضك يغالي اشبيك
مجروح انت واضح نار تنهيدك
اذا اني السبب .. لاتعتب اترجاك
انته الي ادفعتني وكتلي ما ريدك
وانت تبطرت ماجنت اعجبك ليش ؟
تجرحني شكثر متعمد بايدك
تغازل كل شخص مايوم فكر بيك
وتحب اليخون وغايته يصيدك
أفرحلك جنت من تضحك وترتاح
وكبلك انه جنت اتحضر العيدك
انزفلك الك من دمعي بس اشعار
وارويك بغزل ... واتكلي ماريدك ! ِ
ماريدك تكلي وانه بس اهواك
وتضربني بسهم ويصيب تسديدك
وتهددني انت تكلي ماحاجيك
ومن نومي يضل حارمني تهديدك
لان غرك جمالك .. ماردتني وياك
فرحان بجمالك ..؟ الله اليزيدك
ماريد اني اجرحك واجرح الاحساس
ضل سولف تراني اسمع تغاريدك
بادلتك شعورك من كلت ماريد
لأن انت اجبرتني وكلت ماريدك