ماتلگه مثلي بعد

[nosnos]

ماتلگه مثلي بعد.......

ولااالگه مثلك بشر...

وكلشي بغيابك ذبل.........

من عشرتك مابقن بس الدمع والجرح.....

وليلك بعد لايجي....

بعيون الأستبطتك... بيّن درب للصبح

والجرح مومثل امس يتوالم ويّ النزف...

صدگني ماصدگت

شحلفلك بياجرح؟!!!

گتلك وحگ خنجرك

هسه الجرح يختلف......

هم شايف أنت جرح يحلف براس الرمح!!!.....

هيچي انه جرحي ...وبعد.....

شايل براسه خلگ يضحك بوجه الملح.....

وكل هذا وأشتاگ ألك......

وأرسملك عله السمه ليل ومحنه وشمع

وخليني أسولف دمع....

بس خاف أچذب اذا گتلك ..فراگك سهل...

لاوالله ماينجرع....

وأسرارك تسودنت صارت براسي جبل...

وكلشي بغيابك ذبل.........

چان الدمع من چنت

يرسم حنان وصور.......

هسه الدمع من رحت

كل دمعه خطوة سفر..........

وشيفيدبَعدْالحچي

هوَ الگلب وأنكسر.......

والعين مومثل أمس

تشرب حنان الصور

وعيونك تغيرت خيّط رمشهه السهر.....

وكلشي بغيابك ذبل

من درت وجهك صدگ

دارت وجهه الشمس....

وماضل خلگ للنده

واهس الورده أنكسر.....

وأنساك!!

هذا حچي...

ولاچنّك انتَ الگبل تجرحني وأنزف ضحك!!!.....

من رحت كلشي طفه

بغيبتك حته الگمر

ماسيّر عله الورد.......

ويالعلمتني الدفو....

حته الدفو البلحچي غيّر لهجته البرد....

وآنه وبقايه الصور

تانينه غيرك يجي

بومضه بقصيده بشطر.....

ولامطرت بغيبتك

زعلانه كلهه عَلَي.....

گيعان روحي صبخ

شيسوي بيهه المطر!!!....

يالمدري شنهي چنت!!!

فراشه مدري ورد!!

حته اترف من الترف.....

لاتنسه چفي الگبل

شد رايته عله الزلف .....

وفراگك شگد صلف........

خلاّني بعدك جرح

وانت وضميرك بعد

من تضحك عله النزف....

انت وضميرك بعد

من تضحك عله النزف....

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

عاشت الايادي
تسلمين ورد
دومج مبدعه
نتضر كلشي منج حلووو
تحياتي الج

[الماسة الزرقاء]

شكراااااااااا كلمات رائعه تحياتي

[مـوتـي ولا مـوـت أحسـاسـي]

عاشت ايدج عيوووني.

[nosnos]

يدللو منورين
تحياتي الكم

[sυρєянυмαη]

يسلموووووووو
تحياتي

[nosnos]

يدللو وردة
منورة