بيه حبك نار واعشك نارك

[مـوتـي ولا مـوـت أحسـاسـي]

منين ابدي وياك يا أجمل حبيب
كلي انته منين ابدي احجيلك


انته مو كاع التشيلك لو مشيت
لو مشيت عيوني ذني تشـيلك




بيه ادور تالي بس انته لكيت
بيه ساكن والـــــكلب يدعيلك





آنه بغيابك نجم ضاع بنهار
جيت ادور بيك عني بلـــــيلك


***********

وآه يل حسنك حرت شكتب عليه
وحيراهه شيكتـــبن اقلامي


انته واحد ما شفتلك اي شبيه
واليشبهك منوجد باحـــلامي


زلزلته الروح بيه وما دريت
وبالكلب سويت جم سونامي


مرايه خلاني الوكت بيه تشوف
وما أشوفك لو صرت كدامي



***************





آني اريدك يا خليلي وما اريد
غيرك انته وياي يا اغله بـــشر


ولو شفت عيني تعوفك يل الحبيب
صدك آنه اعميه كل هذا النضر


جيت ادور عن صور توصف البيك
شكتب آنه اعليك يل كلك صور


واحد امن اثنين من تطلع يغيب
الشمس يهواي والثاني الكمر


***********

وآنه كاع وياك صدكني اصير
وما اطيك الروح دون اشجارك


وألأحسدة اعليك بس ذاك الكريب
جارك الي دارهم يــــم دارك


آخ يل عينك نضرهه شكد يصيب
جم سهم انصاب منهه انضارك


جمرة غطاني السجن اعرف صحيح
بيه حبك نار واعشــــــك نارك.

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[sυρєянυмαη]

يسلمووو وردهـ
تحياتي

[مـوتـي ولا مـوـت أحسـاسـي]

يدللووو خيتي.

[nosnos]

عاشت ايدج وردة
ابدعتي
ننتضر جديدج دائما
تحياتي الج

[مـوتـي ولا مـوـت أحسـاسـي]

هذا من ذوقج خيتي منوووره.