شريد احجي المصايب منهن اهواي

**مـوتـي ولا مـوـت أحسـاسـي** · 2010-07-18, 06:33 PM

شريد احجي المصايب منهن اهواي

نصهن عم عليه ونصهن اذاني

وشسولفلك تراني تدري مو ناي

حتى أبجي من اسمعك نغمة الساني

ماشيت الفرح بس مامشه وياي

وماشيت الصبر وبساع ملاني

وماشيت الوفه بس ياوفه وياي

عبرني النهر بالجرف طماني

ماأمن بعد ماأمن الروح

ماأمن بشر لو كال تهواني

وماعاين بعد للرايح وجاي

وماكولن ضحكت وسني بجاني

كبل جان النجم يرسملي فد راي

ماابقى عالحيره بهيمه دلاني

وكبل جان المحب للكلب عناي

وهسه تغيرت صارت خبر ثاني

لان روج البحر بخر اهواي انفوس

وراوتني حزن مو وكتي راواني

ولان تدري فقير وكلبي مايشيل

ذبتني عالكاعي وحبلي شراني

صرتلها شمع من عوزة اضواي

وصرتلها سمر والليل غناني

وصرتلها عذب لو صاحت الماي

ماجني بحر والملح غطاني.

**حمكي** · 2010-07-18, 06:35 PM

عاشت ايدج ورده
كلمات حلوووه
نتضر كلشي منج حلو مثلج
نقبلي مروري
تحياتي الج

**مـوتـي ولا مـوـت أحسـاسـي** · 2010-07-18, 06:38 PM

هذا من ذوقك عيوووني منووور.

**CoOoL G!rL** · 2010-07-18, 07:57 PM

كلش حلوة
تسلمين وردة عاشت ايدج
تحياتي الج

**مـوتـي ولا مـوـت أحسـاسـي** · 2010-07-18, 08:04 PM

عيونج الحلوه خيتي .

**ورد البنفسج** · 2010-07-18, 08:06 PM

كولش حلو
عاشت ايدج ورده
دومج مبدعه
ودي

**مـوتـي ولا مـوـت أحسـاسـي** · 2010-07-18, 08:11 PM

امممووويييححح حياتي انتي منوووره.

**Tamy** · 2010-07-18, 08:14 PM

الله شنو
هذا يخبيل

**دمعة ألم** · 2010-07-18, 08:17 PM

تسلمين وردة دوم الابداع
ودي

**مـوتـي ولا مـوـت أحسـاسـي** · 2010-07-18, 08:20 PM

منوووره عيوووني.

الموضوع: شريد احجي المصايب منهن اهواي