قانون العشك

[بنفسج]

قانون العشك

قانون العشكَ

ما مرتاح طبعاً والحچي ميفيد
وبعد ما ظل صبر كافي الصبرته

بالحب تختلف مااختلف وياك
بس عوض كَلب مني الاخذته

مليت انتظر باچر تجي وما جاي
عكَب باچر اجه وما اجيت انته !؟

واسهر والسهر ريشه ابمهب الريح
واحس حتى الكَمر عاتبني سكته

وكَلي اشحصلت من عمري ذاك الفات
اذا نص العمر لجلك سهرته

واذا بيه الذنب فهمني خل ارتاح
واذا بيك الذنب رغماً قبلته

يحسدونه شكَثر حسبونه عالعشاكَ
ويكَلولي شكثر من عدنه بكَته

وكَتلهم چذب بس بالاسم محبوب
ومتندم على يوم العرفَته

لأن طبع اليحب معروف عندالناس
صافن والحچي كله ابصفنته

وانت لا تحن لا مثلي هم تشتاكَ
وقانون العشكَ وحدك عزفته

موهيچ اليحب كَلب اليحب ولهان
ولا كَلب اليحب هم هيچ دكَته

كل ساعه احتركَ طافيني دمع العين
وترجع حضرتك ثاني وشعلته

ومثل عالم صرت بس تخترع اعذار
ولعلمك نعم هسه افتهمته

بستانك حزن منه جنيت اهموم
ماجاني الفرح لايوم ضكَته

كافي بطلت رجعلي كَلبي النوب
مااريد العشكَ ماعندي بخته

وباچر لا تجي ودكَ على الباب
مفتاحك لأن اصلاً كسرته

وتتندم علي تحلم تردلي بيوم
وخط رجعه چذب سولفهه نكته

وازيدك بالشعر بيتين مو بس بيت
البومك للصور بيدي حركَته

ورسمك لو طفل والعين امه اتصير
من عيني بعد صدكَ فطمته !!

وخسران اعترف والحب تجاره صار
وبايع مشتري كل شي خسرته

بس ابقه القلم وانت الورق جوّاي

وبكيفي الاريده والشطبته
وبكيفي الاريده والشطبته

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[جلنار]

يسلمو ورده
دوم الابداع
تحياتي

[دمعة ألم]

شعر رائع جدا
عاشت الايادي وردة
ودي