ردت من عندي بوسه وكلت ما انطيك

**بنفسج** · 2010-09-05, 11:05 PM

ردت من عندي بوسه وكلت ما انطيك

تعالي انطيني بوسه واخذي نص الروح
ونص خليه الي بي ارد اعيش انــــــــي
اقل تقدير اضمن عني متروحيــــــــــــن
لان غصبا اصيرن نصج الثانـــــــــــــي
القصيـــــــــده
=2=2=2=2=2=
(هي)
ردت من عندي بوسه وكلت ما انطيــــك
عد ربك حرام امنـــــــزل بشرعـــــــــــه
من انطيها الك شتكول عنــــي النـــــاس
الاخلاق اتركتها وعافــــــت السمعــــــه
لوعافت اصلها وهيه بنــــــت اجــــــواد
وتدريني على الاخـــــلاق متطبعــــــــــه
(انا)
ولج بوسه ردت ما طالب انه اهــــــواي
لو طالب اشبكج وكعــــــن السبعـــــــــه
هو الحب حرام اتبوس خلــــــك بيـــــــه
ياهو الي فتاها وحطهــــــــا هالبدعـــــه
مسموح اليحب لو راد خله ايبــــــــوس
هاي اتزيد شانه اتحط الـــــه رفعـــــــه
(هي)
لو هذي حقيقه خلنـــــي افـــــكر زيــــن
انطيك انه بوسه وشرطي اتسمعــــــــه
خل انسوي قرعه انطيك ما انطيــــــــك
يعني البوسه هاي اربحها بالقرعـــــــه
(انا)
وصدك سوينه قرعه اكتبنا بيها ارقــام
من واحد كتبنا اوصلنا للتسعـــــــــــــه
المفرد جان الي والزوج هيه اتفـــــوز
وكلمن سحب ورقه واشر بصبعــــــــه
طلع رقمي سبعه الفوز اليه يصــــــير
بس هيه اسحبت جاها الرقم سبعـــــه
يعني اني الربحت وحققت الاحــــــــلام
ما صدكن اعيوني وذبن الدمعــــــــــه
ثاريها اكتبت كل الورق سبعــــــــــات
حتى انه افوز ببوسة الشمعــــــــــــه
بس مدري شجاني وبالعجل يانـــــاس
على جفها اطبعتها لبوستي بسرعـــه
كالتلي كبر حسبالي صاحــــــــب ذوق
هسه انت اخسرت لتظن الك رجعـــه
صدكوني دخت بس كمت ادور اعذار
بلجي اتحن عليّ وتعيدلي القرعــــــه
بلجي اتحن عليّ وتعيدلي القرعـــــه