مرحبة شباب وبنات كروبنا الغالي
سويتلكم موضوع على تعلم الفرمتة ويحتوي
اول شي شلون اتشغل السيدي تلقائيا اول ما يشتغل الكومبيتر
ثاني شي تشغيل السيدي وتقسيم الهارد
وثالث شي الفورمات وتنصيب الوندوز
يلله نبدي:
هاي هسة صور علمود تعرف شلون اتخلي البايوس يشغل السيدي تلقائيا من اول ما اتشغل الكومبيوتر
من اتشغل الكومبيتر شوف الشاشة اول ميشتغل علمود تعرف شنو الكي مال بايوس سيت اب بس باكثر الكومبيوترات الدكمة مال delete هي الي اتدخلك على اعدادات البايوس فانت لازم اتشوف شنية
اني هنا حاط تقريبا كل انواع البايوسات انت شوف ياهية مثل نوعيتك واقراها مو تكعد تقرة كل الانواع واتضيع وكتك هههههههه
وهسة راح اشرحلكم على البايوس مال حاسبتي وجواها باقي انواع البايوسات
دست ديليت اول ما اشتغلت الحاسبة وراها انفتحتلي صفحة
هسة انت اتروح على Boot
وراها تختار Boot Device Priority
وراها اتدوس انتر على الفرست بووت 1st boot device
وتختار السيدي واتدوس انتر
وراها اتوس F10
وانتر
هسة نجي على باقي البايوسات
اذا البايوس مالتك AmiBios علاغلب راح اتكون الدكمة مال ديليت فانت دوس ديليت اول متشغل الكومبيوتر علمود تدخل على اعدادت البايوس
مثل الصورة
انت راح اتشوف صفحة بيها كتابات انت من فوك راح اترووح للبوت BOOT وتختار وراها Boot Device Priority وبعدين تختار 1st boot device تحط يمة [CDROM]
اذا البايوس مالتك نوعيتة AwardBIOS اختار الدكمة الي تطلعلك مثل بالصورة بس هي اغلبها ديليت
هسة اختار Advanced Bios Features
وروح على First Boot Device وسوي CDROM مثل الصورة
اذا عندك ديل (Dell) فيطلعلط لي فوك شتدوس بس الاكثرية لازم اتدوس F2
هسة اختار Boot Sequence وروح على رقم 1 وسويها CD-Rom من اتدوس - او + وبعدين دوس سبيس space علمود اتسجل التغيير
وبعدين دوس سكيب ESC واختار save settings and exit
ووهمين اكو كومبيترات ديل تكدر تختار boot menu اذا اتدوس F12 ومنا راسا تختار يا جهاز (device) اتخلي يشتغل راسا
اكو قسم من بايوسات AwardBIOS مفتاح الاعدادت هو F2
فانت تروح على Advanced Bios Features
وراها اتروح على Boot Sequence وتختار A,CDROM,C ورها دوس سكيب ESC ووبعدين دوس F10 علمود اتسجل هاي الاعدادات
اكو كومبيوترات اذا اتضل دايس F8 راح تطلعلك صفحة اسمهة Boot Menu وانت تختار الجهاز الي اتريدة يشتغل تلقائيا
وهسة نجي علفرمتة
اول شي ورة ما اتعلمنا شلون انشغل السيدي تلقائيا من البايوس
هسة احط السيدي واتشغل الحاسبة
اذا الهارد مالتك انت منصب عليه وندوز قبل فراح تطلعلك هاي الصفحة الي بالصورة
يكللك دوس اي دكمة علمود يشتغل من السيدي فانت دوس اي شي
وراها راح تطلعلك هاي الصفحة الي بالصورة
للعلم انو اذا الهارد ما منصب عليه اي وندوز فة راح تطلعلك هاي الصفحة راسا
وراها راح تطلعلك شاشة زرقة انت لا اتدوس اي شي وانتضر الى ان تكمل
ورة ما تكمل راح تطلعلك 3 خيارات (مو طماطة) انت دوس انتر enter علمود تختار اول واحد
هو راح يدور اذا عندك نسخة وندوز سابقة بالهارد وراها اذا عندك راح يكتبلك انت عندك الوندوز الفلاني واذا ما عندك وندوز بالهارد مراح تطلعلط هاي الصفحة اصلا وراسا راح يعبر علصفحة الي وراها
يكللك اذا اتريد اتصلح الوندوز القديم (يعني يتصب وندوز فوك الوندوز القديم بدون ما يمسح البرامج) دوس R
واذا اتريد اتنصب وندوز جديد فريش بدون ما اتصلح النسخة القديمة دوس اسكيب ESC
وراها ايريد منك توافق على اتفاقية الترخيص انت راسا دوس F8
هسة هنا نجي على تقسيم الهارد
هنا هاي الحالة اذا الهارد ممقسم بعدة جديد هسة متطلع من الباكيت او متصفر اذا متريد تتعلم شلون اتقسم وراسا تروح علفرمتة انزل جوة على فرمتة الهارد
هسة هنا الهارد مالتي ابو 80 كيكا
كاتب انت عندك 79078 ميغا فراغ انت لازم تسوي بارتشنات (درايفات) فانت اتوس حرف C الي هي هنا اختصار لكلمة Create Partition
يكللك شكد اتريد اتحط حجم الهارد اني مثلا هنا سويت اول درايف وهو C: سعتة 20000 ميغا يعني 20 كيكا وراها اتدوس انتر Enter
راح يرجع علصفحة القديمة وشوف كاتبلك درايف سي 20 كيكا وجواها 59 كيكا فراغ
انت تنزل عل unpartitioned space واتدوس C يعني مثل العملية السابقة
هنا مثلا سويت البارتشن الثاني الي هوة D: (هنا بالصورة متسجر درايف E: هو بكيفة بس المفروض بالوندوز يسجلة دي) واني سويت سعتة 15 كيكا بس انت تكتب بالميكا يعني 15000 حسب انت شكد اتريد واتدوس انتر
شوف هسة صار بارتشنين وباقي 44 كيكا فراغ انت راح تنزل علفارغ واتدوس C
هنا اني بقيتا هو كلة ودست انتر
صار عندي 3 بارتشنات وهي اصلا انت شكد متريد سوي اني سويت 3 اريحلي هسة انت لازم تختار يا بارتشن (درايف) اتحط بي الوندوز علمود اتفرمتة وهو ينصب الوندوز وراها
اني مثلا اختاريت c: وراها اتدوس انتر
راح يكللك شنو نوع الفرمتة الي اتريد تسويها انت اختار مثل ما (اني مختار NTFS ودير بالك لا تختار الكويك خصوصا اذا الدرايف ممفرمت قبل يعني هاي اول مرة يتنصب عليه وندوز) ووراها دوس انتر
راح يبدي هوة فرمتة انت انتضر الى ان يكمل هو شوية يطول
هسة خلص وديحضر مكان يحط بي الفايلات مال تنصيب الوندوز
هسة دينقل فايلات التنصيب
وهسة راح يسوي ريستارت
وراح يبدي انت هنا لازم تشيل السيدي من الفرست بوت ا اتحط الهارد هو الفرست بووت بس اذا بقيتها وطلعتلك هاي الشاشة السودة مال Press any key انت عوفها ولا اتوس اي دكمة الى ان يخلص
وراها راح يفوت للتنصيب ( هبالك داخل اعتيادي للوندوز)
وراها راح ينفتح برنامج التصيب ويصفن شوية انت مو راسا تكوول وكفت الحاسبة واتوم اتفشر عليه ههههههههه هو العداد يصفن شوية بالبداية وبعدين يبدي
ورة ما ينصب كم شغة راح تطلعلك صفحة مال تنصيب اللغة انت اذا اتريد اتنصب عربي للكتابة روح على Customize
وراها روح على Languages
خلي صح على اول وحدة مال install files for.... راح تنفتحلك صفحة انت راسا دوس اوكي
وراها دوس على Apply انتضر شوية علما يحط اللغة العربية
وراها روح على Details
وروح على Add
واختار اللغة العربية للكتابة اني اختاريت Arabic IRAQ
وراها دوس اوكي وراها هم اوكي
هسة رجعنا علصفحة هاي اول ما عرفنة اللغة هسة انت روح على Advanced
واختار اللغة العربية علمود تكدر تقرة باللغة العربية
وراها دوس اوكي
هسة دوس على Next
اهنا اكتب اسمك واسم الشركة مالتك ودوس Next
هسة اكتب السيريال اني هذا اشتغل ويايا حطهة يمك احتياط ووراها دوس على Next
هسة اختار التوقيت اني اختاريت بتوقيت بغداد الحبيبة
وراها دوس على Next
هسة يكمل تنصيب كم شغلة
هسة اهنا تنصيب النيتوورك انت دوس Next
اهنا اكتب اسم الورك كروب وللاحس بقيهة مثل ما هسة ودوس Next
وهسة يكمل التنصيب انت عوفة الى ان يكمل ووراها راح يسوي ريستارت Restart وانت من يرست شيل السيدي لان بعد متحتاجة
هسة يسوي تسجيل للاعدادات
وهسة يدخل للوندوز
وانت هسة راح تطلعلك صفحة مال ترحيب انت كلة دوس Next واذا اكو Skip هم دوسها بعد احسن واخر شي دوس Finish
ويدخل للوندوز واشتغل ومبرووووووووك عليك وانشاللة
100000000 سنة يضل وياك
اي سوال او استفسار او اي شي ممفهوم كلولي اني حاضر
تحياتي للجميع
TheProfessional
تم شرح الموضوع بالصور والكتابة بواسطة اني
52:
:35
ههههههههه
53:53:53:
احدث المواضيع:
رد مع اقتباس
عضــ مستعـمل ــــو
المشاركة الأصلية كتبت بواسطة مريومه العراقيه
تدللين مريومة نورتي الموضوع
ضوابط المشاركة
