احلى ايام بغداد

[@احمد الشمري@]

الســلام عليكم ورحمه الله وبركاته ..السلام عليك يا وطن السلام
السلام عليكِ يا ذكريات الزمـن الجميل
وعلى أحلى عراقيــن



عدت لكم اليوم وفي خاطري أن نسترجع ذكرياتنا في عراقنا
أن نتصفح ألــبوم الصور
ونرجع إلى أحلى أيــام عشناها وألي أكيد محد من عدنه رح ينساها



¤!||!¤¤!||!¤


أيــام الشته ما تنسي .وخصوصاً من نكون مكَرفعين من البرد وملتفين بالبطانيه وكلها كاعده على الزوليه
وأحلى فقره من نحط الكتلي على الصوبه
ومن يجي فلم السهره تحمي الكستانه وعلى غفله تنفجر عليك ((سعاااااااااااده))






............................................
ليش والصـمون الحار أبو الكَاع وأول ما يجي تسوي لفه مال موز نوتيلا الللللللللللله
والكَمع مالته ..مستطيل مدعبل تلكَي مثله

...............................................
والخوبوز أول ميجي بس يعجبك تكرزه
وتحط جبن ونعناع ايباااااااااااااااا
مو خبز تكول فوستوق

.....................................
وين أكو أحله من يوم الجمعه وريوكَ يوم الجمعه
والعائلة كولها ملتمه والميز كله كيَمر والخواشيكَ هناك وهنا
وتبدي العركه منو ياخذ القطعه الأكبر
وكالعاده لو تنتهي بعركه لو كل واحد ينكتل ويكَعد عاقل




....................
الكبــاب والشماطه طوي أقصد الطماطه شوي
وويه البوصل واللفه تغدي بخته من الحراره وأهم شي الكمع اللللللللللللللللله



......................................
ونجي على العيــد
وكليجه أم التمر بالسمسم
والله العيد من غير الكليجه مو عيد

....................................
وأحلى شي بالعيد فقره الغده ((بعد العيديات موباشرة))
القووووووووووووووووووووووزي الحااااار
وتفتح الجيس تطلعلك البوخه وتدوخوتباوع منا منا وتبدي تثرد وعلى غفلله تجي الوالده وتكَرصك شلون كَرصه ويطلع العيد من خشمك

..............................................
ووره الغده ماكو أحلى من استكان الجاي أبو الهيل
يعدل الدماااااااااااااااااغ



..............................



وفي أيام الصيف الموشمسه والكهرباء مطفيه
وأبو المولده مخلص كاز
وكَلبك محروكَ على الكبد
ماكو أطيب من الركَي ينزل على كَلبك مثل الثلج
بررررررررررررررررررررررررر



.................................


وفلم الضهر ما يحله أله على الهوه المبرده
وتجيب كاسه وبيها خيار وتكَعد تعزف




...........................................
واللبلبي وما أدراك ما اللبلبي
احلى لحظات من تكون ميت من الجوع وهستوك طالع من المدرسه وشفت ابو لبلبي وكتل عليه مثل الذبان بحيث بودك تسوي تفجير انتحاري
وشوف الكاسه الي تنكَط ورد
أنت أخذ خاشوكه قبل النوم وشوف المفعول السحري مالته


.........................................
وأكيد ما ننسه بت عم اللبلبي خاله فاصوليه بللحم
ويه التمن
بودك تذب زروكَ بالماعون


..........................


الكَريــــعات ..وما أدراك ما الكَريــعات
علم من أعلام بغداد
أحلى هوه وأحلى سمج
وأحلى صفكَه لأحلى كريعات

..................................
أيــام الشباب الزيزفوني
أيام الأبتدائيه جانت سفراتنه كولها لو للريحانه لو برج بغداد
ومن نروح برج بغداد عبالك برج أيفـل ممصدكَيــن



.....................................


ليــل بغداد .. أجمل لوحة
سبحان الي صورها
الي يشوفها يكَول لا فيكَاس براس السنه اي والله
ومثل ما يكَول السياب
الشمس أجمل في بلادي من سواها ..والظلام حتى الظلام أجمل
فهو يحتضن العراق








...............................
أحلى ما في الذكريات انها في العراق

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[~_PunK_~]

مشكور عالموضوع الحلو

والله رجعت ذكريات قبل ...

عاشت الايادي
ننتظر ابداعاتك

[ملاك الحب]

عااااا يسلمووو ورده على المووضوع رووعه اهئئئ ذكرتنييي اهئئئ46:

يسلمووو موضوع اكثر من روعه

[TBsy 9DE8y 3Bsy]

الله الله الله الله الله الله يا بغداد انتي شكد حلوة46:

الله اشتهيت صمون وخبز عراقي

يسلموو 46:يسلموو 46:يسلموو 46:يسلموو يا وردة على هذا الموضوع الحلووووو46:ووووو

[Golden Girl]

عااااااشت ايدك على الموضوع الحلوووووووو

لاتحرمنا من جديدك ..
تحياتي..

[مريومه العراقيه]

واووووووووو رووووعه
عاشت ايدك ورده
وننتظر كل جديد وحلو منك
تحياتي

[العميد نهاد العراقي]

يبوووووووو والله ايام
و ذكريات ابدا ما انساه للموت
مشكوور وردة
على الموضوع و الصور الجميله جداا
عاشت ايدك يا مبدع
تحياتي
العميد نهاد العراقي

[همسة الروح]

اي بس الظاهر انت جوعان اشو ذكرياتك اغلبها اكل50:هههه (دا اتشاقة),بس فعلا هسه بالامارات اكو صمون مثل الموجود بالعراق (بس موجود بس بالمطاعم العراقيه دا اسوي دعايه) بس مو مثل الموجود بالعراق طري وطيب تكول فررررش...
شكرا علموضوع الطيييييييييييييييييب::62(اروح اكل جعت)..

همسة الروح

[...~Iraqi Bella~...]

تخبل والله
ايام حلوة حته لو تعيسة