ذكريات المغتربين

[مـوتـي ولا مـوـت أحسـاسـي]

الســلام عليكم ورحمه الله وبركاته ..السلام عليك يا وطن السلام
السلام عليكِ يا ذكريات الزمـن الجميل
وعلى أحلى عراقيــن
ذكريات المغتربين في عراقنا
¤!||!¤¤!||!¤

أيــام الشته ما تنسي .وخصوصاً من نكون مكَرفعين من البرد وملتفين بالبطانيه وكلها كاعده على الزوليه
وأحلى فقره من نحط الكتلي على الصوبه
ومن يجي فلم السهره تحمي الكستانه وعلى غفله تنفجر عليك ((سعاااااااااااده))




............................................
ليش والصـمون الحار أبو الكَاع وأول ما يجي تسوي لفه مال موز نوتيلا الللللللللللله
والكَمع مالته ..مستطيل مدعبل تلكَي مثله


...............................................
والخبز أول ميجي بس يعجبك تكرزه
وتحط جبن ونعناع ايباااااااااااااااا
مو خبز تكول فستق

.....................................
وين أكو أحله من يوم الجمعه وريوكَ يوم الجمعه
والعائلة كلها ملتمه والميز كله كيَمر والخواشيكَ هناك وهنا
وتبدي العركه منو ياخذ القطعه الأكبر
وكالعاده لو تنتهي بعركه لو كل واحد ينكتل ويكَعد عاقل



....................
الكبــاب والشماطه طوي أقصد الطماطه شوي
وويه البوصل واللفه تغدي بخته من الحراره وأهم شي الكمع اللللللللللللللللله


......................................
ونجي على العيــد
وكليجه أم التمر بالسمسم
والله العيد من غير الكليجه مو عيد

....................................
وأحلى شي بالعيد فقره الغده ((بعد العيديات موباشرة))
القووووووووووووووووووووووزي الحااااار
وتفتح الجيس تطلعلك البوخه وتدوخوتباوع منا منا وتبدي تثرد وعلى غفلله تجي الوالده وتكَرصك شلون كَرصه ويطلع العيد من خشمك


..............................................
ووره الغده ماكو أحلى من استكان الجاي أبو الهيل
يعدل الدماااااااااااااااااغ


...........................................
وفي أيام الصيف المشمسه والكهرباء مطفيه
وأبو المولده مخلص كاز
وكَلبك محروكَ على الكبد
ماكو أطيب من الركَي ينزل على كَلبك مثل الثلج
بررررررررررررررررررررررررر


.................................

وفلم الضهر ما يحله أله على الهوه المبرده
وتجيب كاسه وبيها خيار وتكَعد تعزف



...........................................
واللبلبي وما أدراك ما اللبلبي
احلى لحظات من تكون ميت من الجوع وهستوك طالع من المدرسه وشفت ابو لبلبي وكتل عليه مثل الذبان بحيث بودك تسوي تفجير انتحاري
وشوف الكاسه الي تنكَط ورد
أنت أخذ خاشوكه قبل النوم وشوف المفعول السحري مالته


.........................................
وأكيد ما ننسه بت عم اللبلبي خاله فاصوليه بللحم
ويه التمن
بودك تذب زروكَ بالماعون


..........................

الكَريــــعات ..وما أدراك ما الكَريــعات
علم من أعلام بغداد
أحلى هوه وأحلى سمج
وأحلى صفكَه لأحلى كريعات


..................................
أيــام الشباب الزيزفوني
أيام الأبتدائيه جانت سفراتنه كولها لو للريحانه لو برج بغداد
ومن نروح برج بغداد عبالك برج أيفـل ممصدكَيــن


.....................................

ليــل بغداد .. أجمل لوحة
سبحان الي صورها
الي يشوفها يكَول لا فيكَاس براس السنه اي والله
ومثل ما يكَول السياب
الشمس أجمل في بلادي من سواها ..والظلام حتى الظلام أجمل
فهو يحتضن العراق

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[رانيا القيسي]

ايام ابتدائية صح ما تنسى ابدا .. هذاالشي الي محفور بذاكرة كل واحد لان حياة العراق اكيد ماكو مثلها

[AbO RiShA]

الف شكر اخويه عاشت ايدك
كلمات واحساس رائع
تقبلي مروري المتواضع

[العميد نهاد العراقي]

ايبااااااااااااخ والله ذكريات حلوة
ايام حلووة و ان شاء الله ترجع يارب
تحياتي
العميد نهاد العراقي

[مـوتـي ولا مـوـت أحسـاسـي]

مشكووووووووووورين على مروركم الحلووو تحياتي

[همسة الروح]

حلو موضوع جميييييييييل جدا جدا
وضحكتني عبارة (ومن نروح برج بغداد عبالك برج أيفـل ممصدكَيــن)والله صح بس شسوي بلد الواحد مهما يكون احلى شئ بنظر الاسنان اقصد الانسان مثل بالضبط امك واهلك متريد تبدلهم حتى لو موزيين تشعر وياك..
وشكككككككككرا

همسة الروح