(( حرموني منك يبعد الروح ))

[* angel love *]

((حرموني منك يبعد الروح))



حرموني منك يا بعد الروح و عنك ابعدوني
كل ضنهم انه انساك عبالهم حبنه ينسوني
ما يدرون دلالي يمك و انته النظر لعيوني
و انته الهوا و الماي و انته الرمش بجفوني
شلون اكدر انساك شلون يا ناس فهموني
شوف يا بعد الروح شلون بيه يرغبوني
گالولي حلو و زين و عليه البنات يحسدوني
نيشاني محبس ذهب و سوار الماز يلبسوني
سبورتج و بي ام و حته طيارة يركبوني
و بأغلى و احلى قصر بأمريكا يگعدوني
ناس زناكـــــين و بالفلوس رح يغركوني
ارضه بابو الشهادة و چثير المال يردوني
عبالهم مثل الجهال و بنســـتله يقنعــوني
شجاكم يا اهل الغيرة لحــــــالي عوفــوني
ماريــد الحلو انه على المحبـــوب ودوني
وماريد انه ذهب و فلوس وبالفگر خلوني
ما دام هواي يمي الدنيه جنة صدگوني

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[StaY WitH Me]

ذوق ذوق ذوق

[Golden Girl]

كلـــــــش حلوووة
عاشت ايدج وردة
بأنتظار المزيد من الابداع دائما..
تحياتي.

[L•َِOَِ•Y•َِUَِ•S]

مندائيه للموت ,,,

ابدعتي في احساسك المفعم باللطافه

[* angel love *]

51: شكرااا على مروركم الجميل كلكم ذوووووووووق وانشالله اشوفون مني المزيد 51:

[Zaid Al Hialy]

عاشت الايادي الحلوة عالموضوع الحلووو

و ننتضر منج كل جديد و حلووو

تحياتي الج .. زيـــــــد الحيــــــــالي

[مريومه العراقيه]

رووووووعه عاشت ايدج وردايه
كلامات صدك ذووووووق
ننتظر كل جديد وحلو منج ورده
منوره المنتدى كله تحياااااتي

[AbO RiShA]

كلمات في غاية الرووعه
شكرآ على هذا البوح الرائع
دام قلمك ودمتي لنا
عاشق الاوهام