معانات كل عراقي بعمان خخخخخخخخخخخخ

**×أبــوِ سَـوسـوَ×** · 2008-07-15, 02:23 AM

اليوم الاول
العراقي اول ميعبر الحدود يگوم يبچي ويصيح اشتاقيت للوطن ويگوم يسمع اغاني وطنيه وخصوصا اغنية اخذوني وياكم مال فرقة الاجراس...(اح اح احو......) هاي عطسة من التراب اي ومن يوصل عمان رأسا يگول وين صاير مكه مول (عراق مول) يدخله فلم بالسينما ويطلع تالي الليل ويكون صارفله فد 40 دينار (ليش؟؟ هو ميدري) ويرجع للشقه مال گرايبهم الي موغف عليهم .

اليوم الثاني
يگوم يسأل وين صاير اقرب ملهى (نادي ليلي) وطبعا اكيد حيروح ( للتايكي ) ( شمعنا؟؟؟؟؟؟ اكيد انتو تعرفون) وهنا صاحبنا بدون ان يشعر يذبله ورقه او ورقتين مثل الورد (قفصوا عليه بالملهى) وكالعادة يرجع للشقه ضارب ستين دقله وطبعا ابو التكسي بالليل ميشغل عداد وگبل ينتف بأقل شي 10 دنانير.

اليوم الثالث
هنا صاحبنا مراح يخلي مطعم يعتب (بركر كنك.....بيتزا هت.........كي في سي.........طبعا هيجي يكولولة لل kfc ما اعرف ليش ) ما عدا طلبات التوصيل للبيت (دلفري) ,فأنلاحظ الفلوس مال صاحبننا بدت تقل وطبعا كل شويه مخابر اهله ابغداد ويگللهم اني مشتاقلكم (بعده ميعرف قيمة الفلس).

باقي الايام

صاحبنا اباقي الايام حيكرر كل الاماكن الي راحلها (دگ صرف فلوس)

وره شهر

هنا صاحبنا انصدم بسالفة تجديد الاقامه وطبعا اخوانه الاردنيين راح يگلوله ادفع غرامات فيضل يدفع غرامات ويرجع لي وره ماعدا الغرامات الي حتتراكم , فشراح يسوي يگوم يدور على شغل بعد ان چان مدلل بوطنه الحبيب (العراق) فيشتغل موظف چبير بمكتبه (بياع,كناس,حمال) وطبعا بالدفرات يالله يحصل هاي الشغله بأعتبار هو منبوذ دوليا وأرهابي (وسفه عل زمن الي خل العراقي بهيچ ضروف) نسيت اگول الراتب طااااااااااگ (120 دينار اردني) وطبعا شنو انت طااااااك لو تاخذ هالراتب .اي اي طاك مو قراصة لو تدرون شكد يسوي
خلال الايام الجاية

يوميه مخابر اهله بالعراق ويگلهم دزولي فد ورقه لو ورقتين .........

صاحبنا اتندم

آآآآآآآآآآآآآآآآآآآآآآآآآآآآآآآآآآآآآآآآآآآآآخ لو ادري مجان سويت هيجي

تحياتي وانتظر ردودكم