*هيلاووو شباب وصبايا هاي ومضات مني الكم*
.انشاء الله تعجبكم.
لو تجيني العين ماتغله عليك
المن انه بدونك مخليها
بعد ماأحتاجها وباجر تجيك
بس تعال الليله اشوفك بيها
احلى من الجمال يكون الاحساس
وجمال الكون ما يملك احساسك
و بعيونك معاني ادوخ الراس
لذالك بيك دايخ حتى راسك
خطار الحزن يوميه بالبيت
ولا مره الفرح مر بيه خطار
وعزيمه للفرح فد مره سويت
تيه باب بيتي وراح للجار
ـــــــــــــــــــــــــــــــــــ
مــن اول مشتفتج وانـــة هايم بيج
دخلتـي بكلبي شبسرعـــة سكنتينة
عيد الحب يعيد بينة اضن بس يوم
شو ويـــــاج كــــل عمري فلـنتينة
احبـــك كلــــمة بـــس بلســـاني ماتنـــكال
اتهجــــاهـــــــة كـــــــوة ويمـــك انســـاهه
من اشوفك انسه روحي وانسه كل الكون
يعنــــي الكلمــــة هــــــاي شلون اقــراهه
احســن شي حبيبي هـــــــاك اخذ سجين
وافتــح صــدري وبنـــص كلبـــي تلكـــاهه
ــــــــــــــــــــــــــــــــــــــــــــــــــ ـ
سولفلي اعله كيفك حته ادوخن بيك
عسل كلك عسل عالوادم اتبدي
رايد كلمه منك خايب انته اشبيك
وانه اباب حلكك كاعد امجدي
ــــــــــــــــــــــــــــــــــــــــــــ
صار 12 عام بلايه تعيين
خريج وعقد وي حظه صفقه
وجاب 12 دمعه بكد السنين
سنينه الخلصن عوز ومشقه
كلوله نعينك بس الدموع
بدلهن تجيب 12 ورقه
ـــــــــــــــــــــــــــــــ
ما ادري شيصير بحالي لو مريت
اتراعش اكوم وعيني ما تغفه
ومن الزم جفوفك ابرد ابتموز
جا بيه شيصير من الزم الشفه
حاجيت الكمر بالظهر كتلة شبيك
شمالك بالصبح ماتطلع شوية؟؟؟
جاوبني حبيبك للدوام ايروح
وماترهم تلمنة اثنين صبحية
ــــــــــــــــــــــــــــــــــ
وهاي اشعار منوعه بس احباب قلبي ما اعرف اسماء الشعراء
لهم مني فائق الحب والاخلاص
موش عيون عندك صدك ولايات
تفر بيهه القوافي والشعر يبحر
ردت مره اوصف عيونك احتاريت
بديت برمش منك اوصف خلصت دفتر
تريد الناس اسولف وانسه كل بلواي
وخانكني الدمع ما اكدر أحجي
لأن حته الحزن من شافني بهالحال
لبس اسود علية وكام يبجي
لبست اسود مثل كل اليلبسون
ونويت احزن مثل كل اليحزنون
عليه اشماله الاسوديلعب الروح
وعليك انته شحلاته يجيب العيون
صح انتي جميله وطولج شمحلاه
بس عندج غروروخشمج شعلوه
انصحج هالتكبر مايفيدج يوم
لان اصل التواضع كمل الحلوه
امي كعبه ... والدليل هي كعبه ... شفت صورتهه بعبايه
ردت اكتب شعر بي تفرح العين
وردت غير الحزن والدمعه موضوع
وبديت انه بقصيده اتنكط افراح
ومن كد الفرح هم طاحت دموع
انحب يا وطن واكظيهه اهات
وبعد لاتنخه ولدك مالك احد
صحيح اسلام ونحب الصلاوات
بس للاسف ما نعرف محمد
شوصفك ياترف ياعسل ياشفاف
عــن كــل البشــر متمـيز بميزة
الـوادم من تســافر تختم وتأشير
وانته امـريكا لجلك تدخــل بفيزة
ماحب غيري احد يمشي وياك
اغار اعليك حتى من خيالي
كون اصعد وضمك فوك النجوم
حتى الناس جوه وانته عالي
هنودبالمكسيك حفاي وعراة
هسه صارودوله والهم منزله
كبل جان الرصيف ابلون الأيتام
يجي يمه الفقير اينام مستور
صعد هسه الرصيف وظلت الناس
تعاني امن الفقر بأجسامها ايدور
كمنا انخاف نوصل صاير احوال
نحس يطردنا يرهب كله ديكور
قرينه بالدروس غراب عطشان
حط احجار بالجرّه وطلع ماي
وقرينه بالطفوف حسين عطشان
حط اخوانه كلهم ماطلع ماي
ما دك صورتك اعالحياطين
مو قصدي خرافه وبيهه شكيت
جبل انته علي بالصورة مولاي
وخفت خاف من ادكهه اتهدم البيت
خطية شكد ابوي مصدك بلير
عدن يبني الوطن و يشغله حارس
عشر سنين نام و اكعد و شوف
تلكه الدولة بس تصبغ مدارس
بكلبي تسابقوا لعبو الحلوين
خسرت كلها بالدور البدائي
وانت باللعب صاعد على الكاس
بجمالك ربك مصعدك نهائي
كبل جانت دمعتي بعيني بت بيت
واضن حتى الرمش ما يدري بيها
هسه الدمعه ضلت كاضه الباب
الرايح واليجي يباوع عليها
سبحانه الخلق هالايه من هالطين
ومدري منين لمهن ربك اوصافك
ما رادك بشر بس رايه بيك تحتار
ملك بس هيج حرشه اويه البشر عافك
ماحب السهر وبااليل ماخـاف
ولااعيوني رمد من ضيم الايام
بس كل مره اشوفك بالحلم زعلان
ولذلك قررت باليـل مانام
جمعه وسبت عطله تسوي الاسلام
وعلى كلبي المصايب لملموهه
كبل بس جمعه جانت تكظي بالموت
سبت منين جابو كملوهه
لو يدرون الهه شكثر اشتاك
جل عشره محرم داوموهه
كلمن مدلي جفه وكضلي اقليـم
وعلى لوح الوطن مارسمو الساس
وهلكد ماتجر اجفوفهم بـي
شكو خارطتنه وطاحت النـاس
كدامك طحت ما شفت وجهك كام
هاك ابسط مثال وشوف وتصـور
ولك خشبه بطبر فركست جف حطاب
من شافت حطب كدامها اتطبـر
گلبي من الجمال البيج ظل محتار
وگلبي من الغرام وياج اظن ماع
عجيبة شلون وآنه وياج مسطور
أذا من جعوب رجلج داخت الكاع
طبع نمر وغزال انجمعن بيك
سبحان الجمع رقة بشراسة
الناس اكوم تحرس من يجي الليل
وانتة الليل يلزملك حراسة
الشاعر لو يوصفك يتعب اهواي
لان يحتاجلك فد ست دفاتر
ما شفت ابياضك انة من حيث
الشمس من شافتك لبست مناظر
من كد ما احبك صرت دايخ بيك
يمته تحس دكلي بشوكي وبحبي
دباوع حالي لاحض شوف بييه شصار
صوتي اتغيير ووجهي ونبض كلبي
والساني بعد مدري شجراله النوب
يمكن راح اصيرن اشبه اللمبي
ماأسولف بيك واحسبلك حساب
آنه أعرف وزنك ومقياسك
أنته أصلا تافه وراسك زغير
وبس أسولف بيك أكبّر راسك
من چفك أغار لچفك ايلوح
أگص ايدك إذا لاحتها إيدك
أكتب ما أريدك تنشف الما
ينشگ دفتري وتبقه أريدك
آني ماشايف مثل وجهك جميل
وهيچ مثل عيونك آني ماشفت
من گلتلي اهواك مدري شبيه صار
هيچ واگف وحدي وبوحدي طحت
ياباقة ورد أهديلك انته شلون
الورد منك خجل مايدخل السلة
لأن مثلك ورد منوجد في هالكون
إذا إنته الورد في عالمك كله
ما اكلك احبك جي صريح وياك
وانت البيه عايش تعرف البيه
اذا اكلك احبك انحسب جذاب
لان مو مره احبك لا تسعميه
اتحبني ماتحبني انه اموت اعليك
ايعجبك مايعجبك هو هذا انه
انه من انه ابطل لولكيته بيوم
وي غيرك يسولف واكطع السانه
بوسه اطيني كتلك ماكفرت شصار
كلت لامك عليه وكبت الهوسه
حلكك بي اشكال اطيني خدك عاد
وجنك ماشفتني وماخذ البوسه
صاير جلد باب البيت وياك
مدري شلون يتحمل لزمتك
واحنه البيت يهتز لو تعديت
وناس بناس توكع من خطفتك
انا ما شايف ترة بعيني اكيد
وهاي عيني تشتغل بس عل رمش
حسين شفتك اي صحيح وكمت اشوف كمت اشوف
ومن كثر ما ركزت طاح الرمش
احلى من الجمال يكون الاحساس
وجمال الكون ما يملك احساسك
و بعيونك معاني ادوخ الراس
لذالك بيك دايخ حتى راسك
احير امنين ابوسك من الاكيك
اولو بيدي عليك امطر شفايف
امس سولفت يمي اوصار ما صار
مشيت اوكمت ابوس بالسوالف
بسنيــنك زرعت العين الك خطوات
ماخضرت عيني بخطوة أسنينك
واذا دينك يحلل دمعتـي من اطيح
من هاللحظة واجب اكفـر بدينك
حبي وحياتي
51:51:karamela51:51:
احدث المواضيع:
رد مع اقتباس
عـضــ ذهبـــي ـــــو
ضوابط المشاركة