( لاتنسيني فدوة)

**مـوتـي ولا مـوـت أحسـاسـي** · 2009-03-11, 08:49 PM

ضحيتلهه ياما وياما ضحيـــت

بأعز ناسي وعليهم فضـّـلتهه

من أفرح فرحتي بليـه ضحكات

هديتلهه ضحكتي وضحكتهـه

كًـالت لاتكًـلي إنسيني فديـــــوم

كًـتلهه آني مجنون إن كًـلتهه

شخصج ما أبدلة والله بالكـــون

حلفتلهه وصدكًـ مابدلتهــــــه

لوجاعت أسوي جفوني مــاعون

من عيني غزل حب شــربتهه

شارعنه كحل سوّيته يانــــــاس

عفت أصحابي واهلي وحوّطتهه

جنت أسهر أظل بعتبة البـــاب

عيني بس عليهم ركزتــهــــه

الى ان سافرت جبرتني الضروف

وذرفت الدمع من ودعتهـــــه

كًتلهه آني رايح فدوة ارجوج

لاتنسيني فدوة وبوستـــــــهـه

كًتلهه أنطريني وأرجع بيوم

عرس اسطوري اسوي واعدتهه

كًـالت رجعتك أنطرهه يهواي

واظل اهواك من هسة لوكتهه

ظليت بديار الغربة سنتين

وكل لحظة بغرتي آني إحسـَـبتهه

ما ارجع كًـلت الاّ أجمع فلـــوس

حتى أرجع وأخطب اللي ردتهه

أخيراً جمـّـعت كل المصاريف

علمود الغوالي جمعتهــــــــــه

رجعت لديرتي من الغربة مشتـأك

أشوف اللي بدمع عيني عفتهه

طبيت بفرعنة وأسمع طبول

وتهلهل جواريني إسمعتهــــه

والحفلة شفتهه ببيت الأحبـأب

رجلية إرجفت ماحركتهــــــــه

وأم اللي أحبهه تبجي بالبــــاب

وأحس علمودي دمعات البجتهه

خلتني اشتعل واغركًـ بالدموع

ذيج اللي بوسط عيني شــلتهه

قررت أنتحر منعوني الناس

أكًعد كًالو أسكت مخسرتهه

لأن عرس التشوفه وهي الطبول

مو عرس التحبهه عرس أختهه

احدث المواضيع:

**AbO RiShA** · 2009-03-11, 08:50 PM

كلمات واحساس رائع
سلمت الانامل وتقبلي مروري

**مـوتـي ولا مـوـت أحسـاسـي** · 2009-03-11, 08:56 PM

انت الاروووع عيوووني
مشكوووووور على هالمرور
الحلووووو .

*** angel love *** · 2009-03-12, 09:25 AM

عاشت ايدج كبد كلش حلووووو الموضوع ومميز وننتضر المزيد
من الابداع تحياتي وتقبلي مروري

**مـوتـي ولا مـوـت أحسـاسـي** · 2009-04-07, 11:15 PM

انتي الاحلى حياااتي
مشكوووره على هالمرور الحلووو
تحياااااتوووو:23.

الموضوع: ( لاتنسيني فدوة)

أدوات الموضوع

( لاتنسيني فدوة)

احدث المواضيع:

ضوابط المشاركة