الشمس بالليل

[* angel love *]

هيه ام الصبر هيه الشمس بالليل
هيه المــــاي دمها وجفها لكمتنه..

هيه اطيب حنان وكبر حظن للجود
تحت رجليها ربــــــــــك ذبح جنتنه..

نعمة اعلى البشر انعمها رب الكون
بيها انعــــــــــم علينه وهيه نعمتنه..

امنه شكد شكت شالت حملنه سنين
مابطلت صبر لا لحظــــــــــه ملتنه..

وذا بليله نجوع وصادفانه العــــــــــوز
تشلع مـــــن لحمها وتشوي خبزتنه..

آيه مــــــــــن الصعب تتفسر باشعار
بيها شكــــــــد معاني بحيره خلتنه..

ربك زرع بيها كـــــــــــل حنان وطيب
نحس هلنه الامـــــــان بيوم حظنتنه..

وماخافن ابد لــــــــوله الامان ايغيب
تصح هيه الامـــــــــــن وهيه هلتنه..

هــــــاي امنه الحنونه بروح ماتنجاز
بيهـــــــــا النفس بينه ومنها ريحتنه..

ربك ناهــــــي حته انكلها كلمة اوف
بقرآنه الكــــــــــــريم اصبحت آيتنه..

شدعيلج ييمــــــه شلتيني 9 شهور
منها تنفست مــــــــن عدها وكلتنه..

عفيه شكد صعب جيبة طفل للكون
يكود الموت اديهــــــــا بيوم طلكتنه..

امي عيوني ذني والجسد والروح
امي الدنيا كلها امـــــــي شمعتنه..

امنه شمـــــا بجت ينزل دمع افراح
ماكالت يولــــــــــــدي الدنيا بجتنه..

تظحك للدمع جي مانشوف هموم
وتصعب لوتشوف دمــوع ضحكتنه..

تريد الحزن هيــــــــــه والالم والآه
ام اهــــــــل العواصم ام مدينتنه..

ام اهل الكرم وهل الشرف والجود
هاي ام العـــــراق الغيره رضعتنه..

اتمنى ان تنال اعجابكم

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[AbO RiShA]

كلمات واحساس جميل
سلمت الانامل
وتقبلي مروري