اليكم هذه الابوذيات والدراميات

[ساروو]

وحك الصاح ع الشيطان كلا
الك يروح فدوة العمر كلا
بغلاتك لو تطكني الف كلا
اكلك زيد كلاتك عليه


اكتبلي شما ردت تكتب واردلك
بساتين بوسط گلبي ورد . لك
اروح وابتعد وازعل واردلك
لآن الگلب بيدك مو بديـــه

بدمع عيني اكتبتلك خاطر انه
والك ما يوم كاسر خاطر انه
غير انته تجيني خاطر انه
اجيلك معتني ازحوف اعله اديه

دكافي من البعد يا ترف بس بس
ومنو لبذنك على الهجران بس بس
كبل تركض تجي لو كلت بس بس
شجاك شغيرك هسه عليه

سابيني بجمـــاله اوطول شعره
انا اموت من اسمع ابيات شعره
انا بيني وبين المـــوت شعره
حبيبي اشوكت تلــــــحك عليه





....................
دارميات




فكر وشعر واخلاق يبقه العراقي
شهم ويظل للدوم لللخوه راقي




يبقه العراق بخير شيعه ويه سنه
لو بيدي للطيبين احجز الجنه






سنه ويه شيعه اخوان والفكر راقي تاج وتظل عل راس انته العراقي





تاج وتظل عالراس انته الحضاره
تبقه وتظل للدوم انته المناره









بتموز تبرد ليش لو انه غلطان
صد گني لو مجنون لو عمل نسوان






صير شتريد اتصير حنظل واجرعك
بس لا تكول فرا گ مابيه اودعك


بيك المحبه كتاب خليني صفحه
ولو سطر هم رضيت بس لا تمسحه





اصل وفصل واخلاق بنت العراقي
حسن وجمال وذوق والفكر راقي



ليش التريده الروح يصعب عليها
والما تريده الروح محبس بديها



ادري انته صح زعلان بس ارد اراضيك ليش انته قاسي وياي ماترحم شبيك




هم همي هم الناس هم انت ناسي
ما تدري بيه شصار شيبو راسي



تمثال الك بالعين شايلتة الجفون
و نافورة منة وبيه دمعات العيون



انته اغلى كل الناس حتى اغلى مني
تستاهل انته الروح وعيوني ذني




صح انته عني بعيد بس روحي تهواك
ادفنهه عدله الروح لو مرة تنساك



اتمنى اشوفك دوم يسعدني ملكاك
وجروحي كلها اطيب من اكعد اوياك



ملعون هذا ألزمن ملعونه دكاته
باعدنه عن ألمحب و حارمنه ضحكاته



اسمك نقشته بنار وبكلبي اخليه
حتى الحرك لوطاب يبقى الاثر بيه


هوه الحرگ لو طاب بظلوعي ناره
الحرگ من جلمات مو من جكاره




اشتعل جده الگال العشگ موده
اناأ حرگ الدلال كله على موده






اعذرني لو بالغت ترى المشتاق مجنون الورد بس بالاسم وانت العطر واللون



فرمتت گلبي اليوم من حب الاوهام...واول اسم خليت اسمك على الرام



كون استلم قانون واحكم حكم عام...احكم على الينسون كلهم بالاعدام



الشمعة تحترك مرة علمود الناس تشووف واني احترك مراات علمود اشوفك انت



حاولت احس بلذت الدنيا وانته موبيها طلعت الدنياماتسوابدون قمر يضويها



من المدرسة للبيت وانت إعلى بالي
بكل صفحه يلمحبوب وجهك يلالي



بالصف وافكر بيج وعن درسي فاتر
واسمج كتبته بشوق فوك الدفاتر








مجدي وأدك بالباب مديت اديه

اكسب ثواب اشبيك واتصل بيه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[•·.·.¯`·.·• (مغترب في فنلندا ) •·.·.¯`·.·•]

عاشت الايادي مشكورة وردة
42:

[مـوتـي ولا مـوـت أحسـاسـي]

يسلمووو حبي
very beautiful
تحياااتووو.

[العميد نهاد العراقي]

وحك الصاح ع الشيطان كلا
الك يروح فدوة العمر كلا
بغلاتك لو تطكني الف كلا
اكلك زيد كلاتك عليه
هههههههه هاي حلووة كلش و ربي
عاشت ايدج وردة على الابوذيات و الدارميات
لاتحرمنيا من جديدكِ المميز
تحياتي
العميد نهاد العراقي