تعلم البوسة بالصور ووسائل الايضاح

[العميد نهاد العراقي]

الي مايعرف شلون يبوس راح نعلمه بالصور نراويه صوره مغريه تثير العواطف والاحساس وتخليه يبوس حتى لو حلكه عوج او مشمور على صفحه
صوره لو تفتر بنات العالم كله ماتلكه بجمال ورقه وحلاوه الموجوده بالصوره



اول ماتشوف الصوره دقق في مفاتنها وشكلها الجميل واطلق العنان لعواطفك يعني لا اتضل حجاره
او صنم اتحرك شويه 48:



قبل ماتشوفها بالصوره اتخيلها على راحتك وقبل ماتبوسها اتغزل بيها وسمعها شعر غزل كلام حلو
تره الحلو يستاهل التعب



اول شي من تشوفها بالصوره اتخيلها حقيقه يعني امامك لانه هذا درس تعليمي بوسائل الايضاح
لانه نريد نعلمك شلون




اتخيلها امامك اول شئ لمسه بس مو لمسه مثل تلمس الدجاج الشوي وتكطعها تجر الصدر على صفحه والرجل على صفحه لاولك صير رومانسي لمسه حنان من اروح فدوه للحنان
ايدك نظيفه سنونك نظيفه ريحتك طيبه مو تجي مرعبل ومزنجر وريحتك تطرد الاحتلال من بغداد
لا عيني هذا عناق وبوس مو عركه براس الشارع



بابا وماما نايمين حتى تاخذ راحتك عيني ومو تظل تتلفت يسره ويمنه لانه هذا يؤثر على الاحساس
ويجعل البوسه عضه مال جلب مو بوسه حنان لك عيني اروح فدوه للحنان




ياريت تخلي هسه وقبل ماتشوف الصوره فد موسيقى هادئه رومانسيه لطيفه وفد شمعه لونها احمر
يعني اجواء رومانسيه يعني اغنيه بس مو اغنيه حزينه مو اعرفكم انتم العراقين حتى بحفله العرس
تخلون اغاني حزينه كلها ياويلي ويابويه لا اغنيه بيها معاني حب





نصيحه من تشوفها بس 18 بوسه مو اكثر خو مو تخلصها بس بوس لا عيني لا تصير مطفي
صير سبع لا تستحي







وهسه حضر نفسك وبوس بوس بوس بوس بوس ومليون بوسه على الصوره بوس روح
اشو ماكو صوت هاي بوسه فارغه وي العواطف وين الاحساس اقوى بعد اقوى تره الصوره
تسوه والله تسوه ماكو ابنيه بالعالم بجمال هاي الصوره بوس ولك بوس






ها شفت الصوره شكد حلوه وتستاهل تبوسها وتتعلم حلاوه البوس منها مو كتلك 18 بوسه بعدد




المحافظات الي بيه مو كتلك خلي موسيقى رومانسيه خليت اغنيه موطني موطني لو اغنيه سلامات سلامات على بلادي الف خير ومحبه على بلادي الاحبه رايات العراق ترف كرامات و سلامات امان اليوم ان شاء الله طيرن ياحمامات وسلامات وسلامات مو كتلك الصوره احلى من اي ابنيه بالعالم

تحياتي لكم

العميد نهاد العراقي

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[~_PunK_~]

مشكور عالموضوع الروعه
والله يستاهل العراق مليون بوسه

عاشت ايدك

[AbO RiShA]

الف شكر ياغالي عاشت ايدك

[مـوتـي ولا مـوـت أحسـاسـي]

اي والله احلى من اي بنيه
مشكوووور عيووووووني.
وهاي بوووسه
امممممممممموووووووووواااااااااااااااااااااه

[#عموري#]

و هاي احلا بوسة للعراق51::28 تقبل مروري

[nosnos]

طبعا ليش شعدنا غير العراق يسلمووووووووووووووووووووو

[...~Iraqi Bella~...]

يسلموو عالموضوع وعاشت ايدك:23

[(¯°·A._.·(LaiTh)·._.A·°¯)]

أموااااااااااااااااااااااااااااااااااااااااااااااا اااااااااااااااااااااح الك وللعراق كله شلع

مشكوووووور حبيبي 51:51:

[عراقية كوول]

تسلم عيني موضوع روعه
عاشت الايادي دومك مبدع يالغالي:23

[Emad al-Samarrai]

والله تسوة الف مليون مرة