غزل (( حبيتك نقي )) الشاعر مهند الهاشمي

[الشاعر مهند الهاشمي]

51:غزل51:
الگلب واحد بس جمع نصين
بس نصي انجسم وبهجرك توزع
وذا نصك تركني انذبح بجفاك
لان نصي اعله نصك حبنه يتولع
اذا حبنه انكتب وانصاغ بالنصين
ليش امن الخلك ياگلبي متوجع
لان ولفي الخشف ويتناوشه الذيب
وذا الصايد يقر من لحمه يتگطع
كلش مرتعب خافن يمسك طيف
اذا خافن يمسك گلبي يتجزع
ماريدن بشر ينظر الك ولهان
لازم وحدي وبيك انه اتولع
ولك ادمع جمر من اسمك يذكروه
ماريد اللفض بلسانهم ينبع
حبيتك نقي ! واتلهف لملگاك
وموعين العذب چن عينك الاوسع
وجلدك مهد وانته الطفل ملفوف
ولمسات البشر للفافك تبگع
يالدمعك حفر جوف الجلد ينساب
وشغاف الجلد موش المقل تجمع
شريان الدمع يمشي بترافه وياك
على صدرك نبع مناك چن تدمع
بس دمعي اختلف عنك فرد نوب
كل دمعه الغفت تسال بعد ارجع
يالكلك ترف مثلك فلا موجود
لان وجهك مقل وعيونك المدمع
يالشعرك سحر نور انعكس والتاف
وذا رف الشعر عين الشمس تفجع
يالضربة جدم رن السلف وياك
واذا صار الشفق ما يضرب المدفع
افطر وانتشي من گيمر الوجنات
وبشفتك عسل ترويني واتمتع
جنت ويه الغزل اخجل بعد ماشوف
لا هسه الغزل من نگعد ونطبع
شفتي اعله شفتك نتبادل البوسات
واذا عندك بعد صدكني اتطمع
وذا ايدي ويه زندك تفتر الايدين
والزم يمنتك من يمنتي واهجع
وارتاح بمقامك وتتسطر الشفتين
ولحد الفجر چا من العشك ابزع
بس اليعشگك چن عاشك الفردوس
لايبزع عشك لا منها يتوگع
كل هذا الولع وتكلي ليش الخوف
راح احجي الشرط اتسنط واسمع
لاريدن بشر تشتم عطر فدواك
ولاريدن هوى ويه الجتف يدفع
انه تشرطت حبني مثل ما اريد
چي انته المحب ولگلبي ما تبزع
هذا انه الولف وانته الولف للروح
مجسوم الگلب ولحبنه يتجمع
الشاعر مهند الهاشمي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[Golden Girl]

عاشت الايادي يا مبدع
كلمات اكثر من رائعة
لاتحرمنا من جديدك المميز ..
تـ ح ـياتي..

[مـوتـي ولا مـوـت أحسـاسـي]

مشكووور عيوووني
وانشاء الله دوووم الأبداع
تحيااااتووو.

[الشاعر مهند الهاشمي]

شكراً لمروركم الطيب منوريت القصيده تحياتي الكم

[AbO RiShA]

شكرآ اخويه الغالي على القصيده الجميله
دمت بهذا الابداع ودام قلمك
تحياتي الك
:23:23:23

[العميد نهاد العراقي]

الله الله
كلمات بغاية الرووعه
شعر جميل جدا اخويه
و ننتظر جديدك المميز
و بالتوفيق ان شاء الله
تحياتي
العميد نهاد العراقي
:23

[عراقية كوول]

روعه الكلمات
مشكور ننتظر جديدك
تحياتي

[الشاعر مهند الهاشمي]

شكراً لمروركم الطيب منورين القصيده يا ورود

[Emad al-Samarrai]

شكرا حبيبي الوردة بارك الله انريد المزيد منك يا بطل

[الشاعر مهند الهاشمي]

مشكور حبيبي منور القصيدْه انته والباند ههههه