تنازلت وبعتني

[مـوتـي ولا مـوـت أحسـاسـي]

تنازلت وبعتني ليش وشلون
كلبك مــنكســـر لمن بعتني ؟!

شلت سنين حزنك بين العيون
وانت بكم شهر ماشلت حزني !

صبرت اني وكلت دمعاتي تهون
ومن جيتك لكيتك فاركتني

شيفيد الدمع لو زخته اعيون
وانته بعينك الصلفه تركتني

لتكول الزمن غدار ويخون
زمانك ماغدر وانته غدرتني

امسح كلشي ضل بالماضي مسجون
وامسح ذكرياتي الصبرتني

واوعدك راح امسحك من الجفون
مثل مابيدك الوكحه امسحتني

مو كتلي الامان بجنبك يكون ؟
بامانك ليش غفله وضيعتني

لجلك حاربت كل اهلي والكون
كلت ماريد غيرك يل عفتني

مايحتاج اعاتب واطلب العون
منك وانته بيدك عذبتني

ولا يحتاج اكلك طبعك تخون
تعرف نفسك انته شكد خنتني

حبيتك صدك حب طفل مجنون
و انطيتك حياتي وموتــــتــني

اشكرك علمتني الحب والضنون
ودروس هواي اشكرك علمتني

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[nosnos]

عاشت ايدج ياوردة دومج صاحبة ذوق تسلم اناملج

[مـوتـي ولا مـوـت أحسـاسـي]

انتي الذوق كله حبي
مشكووورة عالمرور الحلووو.

[دلع المنصور]

تسلمين حياتي عاشت ايدج روعة

[مـوتـي ولا مـوـت أحسـاسـي]

الله يسلمج عيوووني
ومشكووورة عالمرور :23.