اسئله لكل المغتربين ارجو الكل يجاوب عليها

[سََـ,,ـفِــير الـَـحُبــ,,ـ]

مـســــــــــــــــــــــاء الخيــــــــــــــــــــــــــــــر
شلونكم يا اخوانة واخواتنة بالغربة شلونهة الغربة وياكم الله يصبركم ان شاء الله وترجعولنة عن قريب ان شاء الله
عندي كم سؤال واريد الجواب عليها بكل صراحة
1..وين كنت ساكن بالعراق؟وحاليا وين ساكن؟
2..صارلك شكد وانت بالغربة؟
3..تفتخر انك عراقي بالغربة؟
4..اوصفلي احساس الغربة بكلمة واحدة او بكلمتين فقط؟
5..ان شاء الله من ترجع للعراق منو اول شخص تتمنى تشوفة؟
6..ان شاء الله من ترجع للعراق اول مكان تتمنى تروحلة؟
7..منو اللي واساك بالغربة؟
8..شنو الشي الفقدتة وانت بالغربة؟
9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
10..أسوء موقف شفتة بالغربة؟
11..احلى موقف شفتة بالغربة؟
12..شلون تثبت نفسك انك عراقي بالغربة؟
13..ساعدت مغتربين عراقيين بالغربة؟
14..اريدك توصفلي العراق بكلمة واحدة فقط..
15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟

تحياتي الكم وان شاء الله نرجع عن قريب بأذ الله
احتراميوتحياتي&سفير الحب

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[StaY WitH Me]

1..جنت ابغداد
حاليا اردن عمان

2..سنتين

3..طبعاً و اكيد همينه

4..صعبه

5..بيبيتي

6.. افتر بشارع فلسطين

7..امي و صديقاتي

8..حنان العراق الي

9..امووووووت قهر و اكوم ابجي عليهم

10..انو البلد الي اني بيها مع احترامي الهم ميعاملون ولا عراقي زين

11..هوايه مواقف

12..مدا اعرف اوصف هههههههه

13..اي ساعدت هوايه

14..احلى بلد

15..اتمنى لكل عراقي مغترب و مو مغترب انو يصبر و ان شاء الله يرجع الكل للعراق و نرجع مثل كبل



تقبل مروري

[JoJo 4 ever]

1..وين كنت ساكن بالعراق؟وحاليا وين ساكن؟


بكل مكان بالعراق عشت ( مثابتة بمكان معين )..

2..صارلك شكد وانت بالغربة؟

تقريبا 9 سنوات ونكدر نكول 10 .
3..تفتخر انك عراقي بالغربة؟

بصراحة ممفكرة بهالشي ..
4..اوصفلي احساس الغربة بكلمة واحدة او بكلمتين فقط؟

محاسة بغربة لان تربيت وعشت على انو اني مو بالعراق ..
5..ان شاء الله من ترجع للعراق منو اول شخص تتمنى تشوفة؟

ممفكرة بهالشي .. لان سبق وذكرت اني معشت بالعراق كلامي واضح..
6..ان شاء الله من ترجع للعراق اول مكان تتمنى تروحلة؟

بغداد والشمال عاجبني اشوفهم مرة لخ .. وطبعا بعد عمراً طويل انشالله ..
7..منو اللي واساك بالغربة؟

محاسة بغربة ( متعودة ).
8..شنو الشي الفقدتة وانت بالغربة؟

ولا شي .
9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟

ماتابع اخبار.يعني ماسمع اخبار عن العراق ابد..
10..أسوء موقف شفتة بالغربة؟
ماكو.
11..احلى موقف شفتة بالغربة؟
كولهة تقريبا.
12..شلون تثبت نفسك انك عراقي بالغربة؟
مادري.
13..ساعدت مغتربين عراقيين بالغربة؟
اي .. بس مجانوا يستاهلون ..
14..اريدك توصفلي العراق بكلمة واحدة فقط..
ماعرف اوصف لان معايشه بي..
15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
اتمنى من الرب ايوفق كل العراقيين الي عايشين بالعراق ويصبرهم على الي عايشين بي.. ويحققلهم كل الي ابالهم ..

@@@@@@@@@@@@@@
ثانكس عالموضوع الحلو..
تحياتي.

[سََـ,,ـفِــير الـَـحُبــ,,ـ]

شكرا على مروركم الحلو

وجوجو شنو سالفتج كل الاسئله مجاوبتي عليه
يعني انتي عشتي عمرج كله خارج العراق اويلي عليج
والله ضوجتيني

[JoJo 4 ever]

ههههههههههههههههه اي تقريبا لان من طلعت من العراق جنت طفلة..
وكبرت بالخارج .. بس اذكر كم شغلة من جنت بالروضة او بالابتدائية هههههههههههههه هيجي شي..
ثانكس مرة لخ على موضوعك يامبدع..
تحياتي.

[سََـ,,ـفِــير الـَـحُبــ,,ـ]

والله ما اعرف شنو اكلج بس الله يساعدج

وشكرا على المرور

[رانيا القيسي]

1..وين كنت ساكن بالعراق؟وحاليا وين ساكن؟
ساكنة بنوك .. بغداد ..ورحت الى ليبيا وحاليا بمصر
2..صارلك شكد وانت بالغربة؟
غادرت العراق سنة 1999 يعني 9 سنوات
3..تفتخر انك عراقي بالغربة؟
الحمد الله عراقي راسه مرفوع وين مايروح
4..اوصفلي احساس الغربة بكلمة واحدة او بكلمتين فقط؟
الغربة صعبة .. شعور صعب
5..ان شاء الله من ترجع للعراق منو اول شخص تتمنى تشوفة؟
صديقتي منـال اذا بقت هي بالعراق
6..ان شاء الله من ترجع للعراق اول مكان تتمنى تروحلة؟
اروح للبنوك وشوارعها وسوقها وكلشي بيها
7..منو اللي واساك بالغربة؟
اهـلي وصديقاتي اهنا
8..شنو الشي الفقدتة وانت بالغربة؟
افتقدت صديقة عمري منال
9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
انقهر .. اكيد لان اشوف بلد ادمر وناس مالها ذنب تنقتل .. بس هاي قسمة واحد لازم يرضى بيها
10..أسوء موقف شفتة بالغربة؟
بالجامعة الليبية ... طالب عراقي التمو عليه ليبين ..ومحد كدر يوكف ويا وحتى من ادخلو المسؤولين طلعو هو الغلطان حسيت الولد انهان وانذل ..
11..احلى موقف شفتة بالغربة؟
احلى موقف من فاز المنتخب العراقي .. ومن فازت شذى حسون كلش كلش فرحنة
12..شلون تثبت نفسك انك عراقي بالغربة؟
بدراستي بتفوقي .. كدرت اثبت ويكولون عراقية
13..ساعدت مغتربين عراقيين بالغربة؟
الحمد الله لازم نظل اخوة ..
14..اريدك توصفلي العراق بكلمة واحدة فقط..
حلم .. عندي صار
15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
الله يعنهم على ما اصابهم .. واكيد كلشي يرجع مثل قبل
موضوع كلش حلو .. ورائع

[عراقية ومتغربة]

بدايتنا اشكر سفيرة الحب على الموضوع الرائع
1.بالسيدية وحاليا النرويج
2. ثلاث سنين
3.كلمة افتخر قليلة جدااا
4.احساس ما اتمنى الى اي احد سواء كان عدوا او صديق
5.صديقاتي
6.الى بيت عمي
7.اهلي
8.الوطن والاحسان بأني عراقية
9.ياسفني اني اقول ماسامعه بي
10.سخافة العراقيات وخصوصا الكرديات
11.لمن التقي بعراقيين
12.بعاداتنا وتقاليدنا وكرمنى وعزة نفسنا
13.احنة اخوة واحد يساعد الثاني
14.عندي وطن ظليت بس اشتاكله
15.اتمنى لهم من اعماق قلبي الامان والاستقرار ونرجع يارب مرفوعين الراس
مع التحية عراقية ومتغربة

[Zaid Al Hialy]

1..وين كنت ساكن بالعراق؟وحاليا وين ساكن؟
بغداد الاعضميه .. و حاليا بالسويد
2..صارلك شكد وانت بالغربة؟
صارلي سنتين و نص
3..تفتخر انك عراقي بالغربة؟
اي اكيد و دائما خريطه العراق على صدري
4..اوصفلي احساس الغربة بكلمة واحدة او بكلمتين فقط؟
ملل
5..ان شاء الله من ترجع للعراق منو اول شخص تتمنى تشوفة؟
عمي
6..ان شاء الله من ترجع للعراق اول مكان تتمنى تروحلة؟
ازور الامام ابو حنيفه النعمان بالاعضميه
7..منو اللي واساك بالغربة؟
والدي الله ينطيه طيله العمر و الصحه و السلامه
8..شنو الشي الفقدتة وانت بالغربة؟
عمامي
9..انفجار في المنطقة الفلانية واستشهد كذا عدد من العراقيين الابرياء..شنو يصير بيك من تسمع هذا الخبر؟وشنو اول شي تسوي؟
حسبي الله و نعم الوكيل
10..أسوء موقف شفتة بالغربة؟
********
11..احلى موقف شفتة بالغربة؟
*********
12..شلون تثبت نفسك انك عراقي بالغربة؟
اضل على عاداتي و اخلاقي الي تربيت عليهة ببلدي
13..ساعدت مغتربين عراقيين بالغربة؟
اي اكيد لان كلنه ايد وحده
14..اريدك توصفلي العراق بكلمة واحدة فقط..
عظيم
15..واخيرا.. اريدك توجه كلمة للشعب العراقي الجريح يعني احنة شنو تكولنة؟؟
بس اكول الله يكون بعونكم

تقبل مروري و تحياتي

[لوله ملكة المنتدى]

شكرا اخ سفير الحب على هذا الموضوع اللي يخبل
بس اني مراح اجاوب لانه العام رجعت للعراق
ويارب يارب يارب كلكم ترجعون وكل العراقيين يرجعون الى ارض الوطن ويحفضهم ياااااارب