كبر جرحك يا عراق

[™°ˆ*¤§X§¶DIesEL¶§X§¤*ˆ°™]

كبر جرحك ياعراق العراق ليا وكت دمعاتك تسيل
وتظل ليا وكت كطع المناحر
وتظل ليا وكت متوسدك الموت
كلي هذا حلم لو هذا حاضر
العراق انته صرت عشاك الاحزان
مثل طبع السجن ويه المحاجر
خناجر وانبتت بضلعك اليوم
وماتطلع بعد هاي الخناجر
مبيوع وصرت مابين هذا وذاك
بدلوك بفحم وانته الجواهر
بجت اور ويا بابل صبن دموم
جن شافن عراق بلا ستائر
وشكن زيجهن ويا صرخت آشور
لئن شافن حراميهن مناطر
وصعد دم الشعب يعراق ليفوك
وخضرت شجر من دمنه المكابر
وصرخ سعف النخل لن صار رماح
ونهض جذع النخل ولسيفه شاهر
ونهض بعض الشعب من شافك طيح
ورجع بالطف يصول ويوم عاشر
وأيده اتلاوي ظلت ساعد الموت
وظل من الجثث يبني السواتر
بس ظيم وظلايم شعبك يعيش
مو كافي بعد ياوطن صابر
وياشعبي اشوكت من نومك اتكوم
وتعيد الثوره اثارتها العشاير
دنسوها المصاحف واعتدو عالدين
وصارن يالوطن جمله المجازر
اذا كل هذا صار وجن كلشي ماصار
اذن واحدكم هوه بلا مشاعر
واذا ماكو الضمير اليصحه عالصار
جا كلي شوكت تصحه الضماير
واذا ماكو مناصر الينصر الدين
واذا ماكو بعد بالوطن ثائر
اخلي القلم بيدي يصول كالسيف
واطبر بيه بحلوك الدفاتر
واطبــــر بيــــه بحلوك الدفاتـــــــــــــــر

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[StaY WitH Me]

فد شي خرافي + خنافي +خنفخاري +خنفشاري + كلش حلو = يسلموووووووووووووو

تقبل مروري

[سََـ,,ـفِــير الـَـحُبــ,,ـ]

ذوووووووووق عاشت ايدك اخويه دوم الابداع

تقبل مروري

تحياتي&سفير الحب

[Zaid Al Hialy]

عاشت الايادي الحلوة عالموضوع الحلوو
ننتضر جديدك حووبي
تقبل مروري و تحياتي

[JoJo 4 ever]

عاشت الايادي عالموضوع الحلو..
تحياتي.

[™°ˆ*¤§X§¶DIesEL¶§X§¤*ˆ°™]

شكرا على مروركم الحلو

[دالي العراقية]

شكرا الك على الكلمات الحلوة وانشاءالله دوم الابداع ودييييييييييييييي