قصيدة عتب عراقية للدول العربية بعنوان (بعد ما ريد فيزه)

**دمعة ألم** · 2009-05-22, 12:54 AM

قصيدة عتب عراقية للدول العربية بعنوان (بعد ما ريد فيزه)

قصيدة عتب عراقية للدول العربية بعنوان (بعد ما ريد فيزة)

بعد ما ريد فيزه ولا لجوء انـسا...... .. عمت عين الاقامه الدنست صـيتي
واشكر كل صديق وكل خوي وكل جار ... قـفل بابه ورفض يـقبل عراقيتي
خلف الله عليكم والوكـت دولاب ... .. لا بد يوم يـنزل بيكم ارضيتي
لان اول امس كل البشر خـدام ..... .. جانوا للـعراق واكلـوا ابيتـي
جان الضيف عندي مكرم ومهـيوب . فوگ الراس اشـيله وهاي تربيتي
ما داعي اسولف وانه ابو النـهرين ... .. ياهو الـما سمع اخـبار حنيتي
بعد بصـمات اديهم والطبع موجود .... .. من جانوا جياع بوسط صيـنيتي
يـا دنـيه حرام ومـنكر ومـكروه.. اذا ابـن الـعراق الـيوم
وطيتي
معـقوله نسيتي اسم الـعراق بساع .. .. لـو مثل الـبشر همّن تـناسيتي
مـيفيد الحچي ولا تـنفع الـچـلـمات ...... راجع يا وطن لترابـك
الزيـتي
راجـع يـا حـبـيبة گـلبي يـا بغداد ... .. وادرى بكـثر ما ونـيت
ونيـتي
وادري لوحّدج عفناج صار سنين ... وادرى من الحزن تابوت سويتي
جيب الاغتراب وحـطه بالـتابوت .. .. يا غربه الـعراق شكثر اذيتي
ما اعيـش ابّحر مالح طـعم يا ناس . .. انه بسجن الـفرات وفقط حريتي
وترابي ذهـب والگاع من ياقـوت .... ومن ثوب الكرامه البسهه بيريتي
واذا گالوا لترجع والوضع مو زين ... .. اگول اني الوضع والزين تاليـتي
وميهمني بعد ليصير خلي يصير ... .. طعم الموت اشرف من هجر بيتي
أموت بوسط خوتي ويا حلاة الموت .. .. من اجمع اهلـنه واكتب وصيتي
وصيتي لو متت لتچفنوني چفان ..... .. لفوني بعلمنه وهاي امـنيتي
واذا تردون اليه بهالگبر ارتاح ..... .. امانة الله دفنوا وياي جنسيتي

ان شاء الله تعجبكم
تحياتي

احدث المواضيع:

**عراقية كوول** · 2009-05-22, 05:30 AM

الله الله
مشكوووووووووووووره حبي
ودي

**دمعة ألم** · 2009-05-22, 07:32 AM

يدللو نورتيني بمرورج العطر 42:54:

**nosnos** · 2009-05-22, 08:30 AM

ضيـــــــــــــــــــــــــم عاشت الايادي
يا وردة
وصيتي لو متت لتچفنوني چفان ..... .. لفوني بعلمنه وهاي امـنيتي
واذا تردون اليه بهالگبر ارتاح ..... .. امانة الله دفنوا وياي جنسيتي