مــــــــاعوفــــك.........

[دلع المنصور]

عفتني بلا سبب وبلا حكم قانون
واني موقع عهد وياك ما اعوفك

اذا خنت العهد ونسيتني بلحظات
انا اللحظات كله اتغني بحروفك

مستغرب احبك لو جديد اشتاگ
تمنعني وعلية انجرت اسيوفك

تنكرني ولك ميهمني اي نكران
نهر اني بمحبتك تنكر اجروفك

اذا بعت الشفايف حتى ما حاچيك
صدگ من احلفك تنطق اچفوفك

مو نزوه بحياتك اني يا بذات
حتى اتبيعني وتمنعني ما اشوفك

اقبل لو تصير ابروحي هم ونوح
واشيل الحمل منك واصبح اچتوفك

اذا تبچي ردت انطيك عيني افداك
لو عيني انعمت كملت معروفك

تتحول جرح بيه احمل اجروح
اذا ينزفني جرحك كلي ما روفك

مو ضعف وحياتك مبدأ واخلاص
واحس ابروحي شالت سكنت بجوفك

وادية الضاعت ولاكيتهن من جيت
على شعرك شفتهن حاضنه ازلوفك

تذكرت الشفايف هسه من ايديك
شفتهن علرسايل رسم بظروفك

ما اقبل اعوفك گلي ليش انساك
مو حتى من انام اتلاگه بطيوفك

خايف مني واني الصرت لاجلك بيت
بعد ما عمري سافر بينت خوفك

بس كلمة اگلك وحده حتى اتروح
وراح اچذب عليه وقدر اظروفك

تره انت اخدعتني وچذبت علشوگ
بس دولاب دنية وباچر اتلوفك

من تطلع شمس راح اني اشوفك زين
اذا منخل تصير اتبين ازروفك

احدث المواضيع:

• روائع الشعر في مدح امير الؤمنين الجزء الاول
• صـدگـــــ حـبـيـبـي
• أسائلٌُ دائماً نفسي؟؟؟
• أأحبك جداً ,,
• 彡مملكة قيصر الشعر العربي-نزار قباني♡
• غبت عن كلبي وبهجرك نسيت النوم
• حوار بين كبرياء رجل وغرور امرأه ؟؟ !! <<<<!!
• حُبٌ إستثنائي.. لامرأةٍ إستثنائية -نزار
• الرجولة ليست ان تحبك كل النساء
• طيفُك يراودني

[مـوتـي ولا مـوـت أحسـاسـي]

روووعة حبي مشكووورة
وانشاء الله دوم الابداع
تحياااتووو:23.

[دمعة ألم]

رووووووووووووووووعة عاشت الايدي على ماخطت من كلمات

[دلع المنصور]

يدللو شكرا للمرور منورين

[عراقية كوول]

كلمات جميله جداً
سلمت يداك غاليتي
ودي